Assam Government Cabinet Meeting: শিক্ষা বিভাগৰ ২২,৯২১ খালী পদ পূৰণত অনুমোদন, ফ্লেট ক্ৰয় কৰাৰ ক্ষেত্ৰতো নতুন নিয়ম! জানি লওক সবিশেষ

বুধবাৰে অনুষ্ঠিত হয় মুখ্যমন্ত্ৰী হিমন্ত বিশ্ব শৰ্মাৰ অধ্যক্ষতাত সাপ্তাহিক কেবিনেট বৈঠক। আজিৰ কেবিনেট বৈঠকতো বহুকেইটা গুৰুত্বপূৰ্ণ সিদ্ধান্ত গ্ৰহণ কৰা হয়। বৈঠকৰ পিছতে মন্ত্ৰীদ্বয় ৰণোজ পেগু আৰু অশোক সিংঘালে সবিশেষ জনায়।

• ফ্লেট ক্ৰয়ৰ ক্ষেত্ৰত পূৰ্বতে মানুহে জিলা উপায়ুক্তৰ পৰা অনুমোদন ল'বলগীয়া হৈছিল ৷ দীঘলীয়া প্ৰক্ৰিয়াৰ মাজেৰে আগবাঢ়িব লাগিছিল ৷ ফ্লেট ক্ৰয়ৰ বাবে কেৱল গুৱাহাটীতে সোতৰশ আবেদন পৰি আছে ৷ আজিৰ কেবিনেটত সিদ্ধান্ত লোৱা হয় যে, ফ্লেট ক্ৰয়ৰ ক্ষেত্ৰত ক্ৰয় কৰিবলগীয়া মানুহজনে বিক্ৰী কৰা মানুহজনৰ লগত বুজাবুজি কৰি পঞ্জীয়ণ কৰিব পাৰিব ৷ জিলা উপায়ুক্তৰ কাষলৈ যাব নালাগে।


• ১ লাখ নিযুক্তিৰ ভিতৰত শিক্ষা বিভাগত নিযুক্তিৰ অনুমোদন জনায় ৷ অনুমোদিত ২২,৯২১টা খালী পদত নিযুক্তিৰ অনুমোদন কেবিনেটৰ ৷ দহ হাজাৰ প্ৰাথমিক বিদ্যালয়ৰ ৷ ১২,৯২১টা পদ ছেকেণ্ডাৰী এডুকেছনৰ ৷ 


• ১,৪৬৪টা পদ পাৰ্বত্য জনজাতীয়ৰ বাবে সংৰক্ষণ আছে আৰু ইয়াৰ বাবে বিশেষ TET পাতিব। ১ ছেপ্টেম্বৰৰ পৰা নিযুক্তি প্ৰক্ৰিয়া আৰম্ভ হ'ব ৷


• কেবিনেটত আজি ৰাজ্য চৰকাৰে গোৰ্খা নাগৰিকক বিদেশী বুলি গোচৰ নচলোৱাৰ সিদ্ধান্ত লোৱা হয় ৷ বিদেশী ন্যায়াধীশিকৰণত চলি থকা গোচৰসমূহ প্ৰত্যাহাৰ কৰাৰ সিদ্ধান্ত।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|