মৰাণৰ ধেমেচীত বন্যাৰ্তৰ হাহাকাৰ, বিগত ১০ দিনে আশ্ৰয় গ্ৰহণ কৰি আছে পথৰ ওপৰত

News18 Assam | News18-Assam
Updated:July 6, 2020, 8:29 AM IST
মৰাণৰ ধেমেচীত বন্যাৰ্তৰ হাহাকাৰ, বিগত ১০ দিনে আশ্ৰয় গ্ৰহণ কৰি আছে পথৰ ওপৰত
বিগত ১০ টাকৈ দিনে অঞ্চলটো জলমগ্ন হৈ থকাৰ পিছতো এতিয়ালৈকে বানাক্ৰান্তই লাভ কৰা নাই কোনো চৰকাৰী সাহায্য৷

বিগত ১০ টাকৈ দিনে অঞ্চলটো জলমগ্ন হৈ থকাৰ পিছতো এতিয়ালৈকে বানাক্ৰান্তই লাভ কৰা নাই কোনো চৰকাৰী সাহায্য৷

  • Share this:
আহাৰমহীয়া বানে হাহাকাৰ অৱস্থাৰ সৃষ্টি কৰিলে ডিব্ৰুগড় জিলাৰ মৰাণৰ ধেমেচী পঞ্চায়তৰ বহু কৃষক পৰিয়ালত৷ পঞ্চায়তটোৰ অন্তৰ্গত মাজুমেলিয়া আৰু তেলিয়াপথাৰ গাঁৱৰ অৰ্ধ শতাধিক পৰিয়ালৰ মাটি-ভেটি বুৰ যোৱাত আশ্ৰয় লবলগীয়া হৈছে পথৰ ওপৰত। শেহতীয়াকৈ বান পৰিস্থিতি কিছু উন্নত হৈছে যদিও নিজৰ হেঁপাহৰ ঘৰখনলৈ উভটি যাব পৰা নাই বানাক্ৰান্তই৷ কিন্তু বিগত ১০ টাকৈ দিনে অঞ্চলটো জলমগ্ন হৈ থকাৰ পিছতো এতিয়ালৈকে বানাক্ৰান্তই লাভ কৰা নাই কোনো চৰকাৰী সাহায্য৷ ফলত খাদ্যৰ সংকটত পৰিছে পৰিয়ালসমূহ৷

আনহাতে, সমষ্টিটোৰ বিধায়ক চক্ৰধৰ গগৈয়ে বানাক্ৰান্ত অঞ্চলটোত উপস্থিত হৈ মাত্ৰ কেইটামান পৰিয়ালক ৫ কেজিকৈ চাউল প্ৰদান কৰি গুচি যোৱাত ক্ষুদ্ধ হৈ পৰিছে বানাক্ৰান্তসকল৷ বানত ক্ষতিগ্ৰস্ত মুঠ ৫৪টা পৰিয়ালক সাহায্য প্ৰদান কৰি বিপদৰ পৰা সকাহ দিবলৈ চৰকাৰ-প্ৰশাসনক দাবী জনাইছে বানাক্ৰান্তই৷ আনহাতে, একমাত্ৰ কৃষিৰ ওপৰতে নিৰ্ভৰশীল কৃষকসকলৰ কৃষিভূমি এতিয়াও পানীৰ তলতে থকাত সৃষ্টি হৈছে আন এক সমস্যাৰ। পানী শুকোৱাৰ পিছতে সময়মতে ৰুব পৰাকৈ উন্নতমানৰ ধানৰ কঠিয়া কৃষকসকলক প্ৰদান কৰাৰ দাবী জনাইছে কৃষকসকলে।
First published: July 6, 2020, 8:29 AM IST
আৰু চাওক
পৰৱৰ্তী বাতৰি

শেহতীয়া বাতৰি