‘বিক্ৰী হ’ল শিক্ষা মন্ত্ৰী’– প্ৰতিশ্ৰুতিৰ পিছতো কিয় ৰন্ধনকৰ্মীৰ সৈতে বৈঠকত নবহিল শিক্ষা মন্ত্ৰী?

News18-Assam
Updated:November 13, 2019, 2:21 PM IST
‘বিক্ৰী হ’ল শিক্ষা মন্ত্ৰী’– প্ৰতিশ্ৰুতিৰ পিছতো কিয় ৰন্ধনকৰ্মীৰ সৈতে বৈঠকত নবহিল শিক্ষা মন্ত্ৰী?
কাৰ্যালয়ত থাকিও ৰন্ধনকৰ্মীক এবাৰো দেখা নিদিলে শিক্ষামন্ত্ৰী সিদ্ধাৰ্থ ভট্টাচাৰ্যই

কাৰ্যালয়ত থাকিও ৰন্ধনকৰ্মীক এবাৰো দেখা নিদিলে শিক্ষামন্ত্ৰী সিদ্ধাৰ্থ ভট্টাচাৰ্যই

  • Share this:
মঙলবাৰে মধ্যাহ্ন ভোজনৰ দায়িত্ব NGOক দিয়াৰ বিৰোধিতাৰে শিক্ষা মন্ত্ৰী সিদ্ধাৰ্থ ভট্টাচাৰ্যৰ ঘৰ ঘেৰাও কৰিছিল ৰান্ধনী–সহায়িকাসকলে। ৰন্ধনকৰ্মীসকলৰ প্ৰতিবাদত সেও মানি বুধবাৰে দিনৰ ১১ বজাত শিক্ষামন্ত্ৰীয়ে ৰন্ধনকৰ্মীসকলৰ সৈতে বৈঠকত বহিব বুলি শিক্ষা বিভাগৰ বিষয়াই লিখিত প্ৰতিশ্ৰুতি দিয়াৰ পিছত প্ৰতিবাদী কাৰ্যসূচী স্থগিত ৰাখিছিল ৰান্ধনী–সহায়িকাসকলে। কিন্তু  প্ৰতিশ্ৰুতি যেন, প্ৰতিশ্ৰুতি হৈয়ে ৰ’ল। নিজৰ কাৰ্যালয়ত থাকিও ৰন্ধনকৰ্মীক এবাৰো দেখা নিদিলে শিক্ষামন্ত্ৰী সিদ্ধাৰ্থ ভট্টাচাৰ্যই। তাৰ পৰিৱৰ্তে শিক্ষা বিভাগৰ আয়ুক্ত সচিবহে বৈঠকত বহিল ৰন্ধনকৰ্মী সকলৰ সৈতে।

লিখিত প্ৰতিশ্ৰুতি দিয়াৰ পিছতো সাক্ষাৎ কৰিবলৈ সময় উলিয়াব নোৱাৰা শিক্ষামন্ত্ৰীৰ বিৰুদ্ধে এতিয়া ক্ষোভত ফাটি পৰিছে ৰন্ধনকৰ্মীসকল। শিক্ষামন্ত্ৰী NGO ৰ ওচৰত বিক্ৰী গ’ল বুলি অভিযোগ কৰিছে কৰ্মীসকলে।

ইফালে এনেদৰে  অপমান কৰাক কেন্দ্ৰ কৰি ৰন্ধনকৰ্মী সকলে আগন্তুক সময়ত তীব্ৰতৰ প্ৰতিবাদী কাৰ্যসূচী হাতত ল’ব বুলি চৰকাৰক সকীয়াই দিয়ে। তেওঁলোকে কয় যে, ‘এইবোৰ সকলো ভেঁকোভাওনা। আমি শীঘ্ৰে জনতা ভৱনৰ সন্মুখত প্ৰতিবাদ কৰিম। ৰে’লপথ অৱৰোধ কৰিম। যদি কিবা হয় ইয়াৰ বাবে জগৰীয়া হ’ব শিক্ষা মন্ত্ৰী আৰু মুখ্যমন্ত্ৰী।’

 
First published: November 13, 2019, 2:21 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading