মুখ্যমন্ত্ৰী হ'ব কোন? কাইলৈ পুৱা ১০ বাজি ৩০ মিনিটত বিজেপি সভাপতি জে পি নড্ডাক সাক্ষাৎ কৰিব সৰ্বানন্দ সোণোৱাল আৰু হিমন্ত বিশ্ব শৰ্মাই।

এতিয়াও ৰহস্যৰ আৱৰ্ততে আছে অসমৰ মুখ্যমন্ত্ৰীকেন্দ্ৰিক চৰ্চা। ছচিয়েল মিডিয়াতো একাংশ লোকৰ চৰ্চাৰ বিষয় হৈ পৰিছে অসমৰ মুখ্যমন্ত্ৰী হ'ব কোন? কেতিয়ালৈ অসমে পাব এগৰাকী মুখ্যমন্ত্ৰী? কিন্তু এতিয়ালৈ সেয়া প্ৰশ্ন হৈয়ে আছে। ইফালে অসম বিধানসভা নিৰ্বাচনৰ ফলাফল ঘোষণাৰ পিছত ৬ দিন অতিক্ৰম কৰিলে।

ইয়াৰ মাজতে কাইলৈ বিজেপিৰ ৰাষ্ট্ৰীয় সভাপতি জে পি নড্ডাই সৰ্বানন্দ সোণোৱাল আৰু হিমন্ত বিশ্ব শৰ্মাক দিল্লীলৈ মাতি পঠিয়াইছে। সেয়েহে পুৱাই দুয়োগৰাকী নেতা দিল্লীলৈ উৰা মৰাৰ সম্ভাৱনা ।

সৰ্বানন্দ সোণোৱাল আৰু হিমন্ত বিশ্ব শৰ্মা দুয়োগৰাকী নেতাই কাইলৈ পুৱা ১০:৩০ বজাত দিল্লীত বিজেপিৰ সভাপতি জে পি নড্ডাক সাক্ষাৎ কৰিব। হয়তো এই বৈঠকতে চূড়ান্ত হ'ব পাৰে অসমৰ মুখ্যমন্ত্ৰীৰ নাম।