• Home
  • »
  • News
  • »
  • assam
  • »
  • NEP কাৰ্যকৰীকৰণৰ ক্ষেত্ৰত ৰাজ্যিক শিক্ষা আয়োগে এক গুৰুত্বপূৰ্ণ দায়িত্ব বহন কৰিব লাগিব- মুখ্যমন্ত্ৰী

NEP কাৰ্যকৰীকৰণৰ ক্ষেত্ৰত ৰাজ্যিক শিক্ষা আয়োগে এক গুৰুত্বপূৰ্ণ দায়িত্ব বহন কৰিব লাগিব- মুখ্যমন্ত্ৰী

নতুন শিক্ষা নীতি কাৰ্য্যকৰী কৰাৰ ক্ষেত্ৰত ৰাজ্য শিক্ষা আয়োগে এক গুৰুত্বপূৰ্ণ দায়িত্ব বহন কৰিব লাগিব– মুখ্যমন্ত্ৰী ড০ হিমন্ত বিশ্ব শৰ্মা

নতুন শিক্ষা নীতি কাৰ্য্যকৰী কৰাৰ ক্ষেত্ৰত ৰাজ্য শিক্ষা আয়োগে এক গুৰুত্বপূৰ্ণ দায়িত্ব বহন কৰিব লাগিব– মুখ্যমন্ত্ৰী ড০ হিমন্ত বিশ্ব শৰ্মা

নতুন শিক্ষা নীতি কাৰ্য্যকৰী কৰাৰ ক্ষেত্ৰত ৰাজ্য শিক্ষা আয়োগে এক গুৰুত্বপূৰ্ণ দায়িত্ব বহন কৰিব লাগিব– মুখ্যমন্ত্ৰী ড০ হিমন্ত বিশ্ব শৰ্মা

  • Share this:
নতুন শিক্ষা নীতি(NEW EDUCATION POLICY) ২০২০ ৰ আধাৰত ৰাজ্যখনৰ শিক্ষা ব্যৱস্থাক অধিক তৰাণ্বিত কৰাৰ উদ্দেশ্যে শিক্ষা বিভাগৰ সৰ্বোচ্চ কমিটি ৰাজ্য শিক্ষা আয়োগৰ প্ৰথমখন বৈঠক মুখ্যমন্ত্ৰী ড০ হিমন্ত বিশ্ব শৰ্মাৰ অধ্যক্ষতাত কালি জনতা ভৱনৰ মুখ্যমন্ত্ৰীৰ কাৰ্যালয়ৰ সভাকক্ষত অনুষ্ঠিত হয়। বিভিন্ন বিশ্ববিদ্যালয়ৰ উপাচাৰ্য, শিক্ষা বিভাগৰ লগতে অন্যান্য বিভাগৰ শীৰ্ষ বিষয়াসকলৰ উপস্থিতত অনুষ্ঠিত হোৱা এই বৈঠকখনত সৰ্বশিক্ষাৰ মিছন সঞ্চালক, এচ.ছি.ই.আৰ.টি.ৰ সঞ্চালক, বিদ্যালয় শিক্ষা আৰু উচ্চ শিক্ষা বিভাগৰ সচিবৰ দ্বাৰা বৰ্তমান আৰু আহি থকা দিনসমূহত শিক্ষা বিভাগে গ্ৰহণ কৰিবলগীয়া দূৰদৰ্শী পৰিকল্পনাসমুহৰ বিষয়ে এক চমু আভাস দাঙি ধৰা হয়।

উক্ত বৈঠকত মুখ্যমন্ত্ৰীয়ে উল্লেখ কৰে যে নতুন শিক্ষা নীতি কাৰ্য্যকৰী কৰাৰ ক্ষেত্ৰত ৰাজ্য শিক্ষা আয়োগে এক গুৰুত্বপূৰ্ণ দায়িত্ব বহন কৰিব লাগিব। প্ৰতিগৰাকী ছাত্ৰ-ছাত্ৰীয়ে যাতে গুণগত শিক্ষা লাভ কৰিব পাৰে লগতে কোনো ছাত্ৰ যাতে শিক্ষা গ্ৰহণৰ পৰা বাদ পৰি নাযায় তাৰ প্ৰতি লক্ষ্য ৰাখি আয়োগে কাম কৰি যাব লাগিব। দেশৰ ভিতৰতে শিক্ষাৰ ক্ষেত্ৰত ৰাজ্যখনক আগুৱাই লৈ যোৱাৰ উদ্দেশ্য আগত ৰাখি আগন্তুক দিনত শিক্ষাৰ মানদণ্ড আৰু অধিক উন্নত কৰি তুলিব লাগিব বুলিও তেওঁ কয়। এই বৈঠকত সকলো বিদ্যালয়ৰ বাবে কমন চাৰ্ভিছ ৰুল, কমন ৰিক্ৰুইটমেন্ট বোৰ্ড ফৰ হেড মাষ্টৰ এণ্ড প্ৰিঞ্চিপাল, স্কুল ৰুল বুক, ৰাজ্যিক সৈনিক বিদ্যালয় চচাইটি স্থাপন, মহাবিদ্যালয় সমুহত নিয়োগৰ বাবে কমন ৰিক্ৰুইটমেন্ট বোৰ্ড গঠন কৰাৰ কথা আলোচনা কৰাৰ লগতে সভাত উপস্থিত বিভিন্ন উপাচাৰ্য তথা বিষয়াসকলৰ পৰা মতামত গ্ৰহণ কৰা হয়।

উক্ত বৈঠকত শিক্ষা মন্ত্ৰী ডাঃ পেগুৱে তেওঁৰ ভাষণ প্ৰসঙ্গত কয় যে ৰাজ্যখনৰ নাগৰিক হিচাপে বিদ্যালয় তথা শিক্ষা ব্যৱস্থাটোৰ ওপৰত নজৰ আৰোপ কৰা আমাৰ সকলোৰে অধিকাৰ আছে। সেয়েহে তেওঁ প্ৰতিগৰাকী বিষয়াক অন্ততঃ তেওঁলোকৰ ওচৰৰ বিদ্যালয়সমূহত গৈ শৈক্ষিক পৰিৱেশৰ বুজ লবলৈ আহ্বান জনায়। লগতে তেওঁ মহাবিদ্যালয়সমূহক কমেও এখনকৈ বিদ্যালয় তুলি (Adopt) লৈ সেই বিদ্যালয়খনক শৈক্ষিক দিশত সুচাৰুৰূপে আগবঢ়াই লৈ যাবলৈ উল্লেখ কৰে। এই সভাত ৰাজহ আৰু দুৰ্যোগ প্ৰশমন বিভাগৰ মন্ত্ৰী যোগেন মহন, হস্ততাঁত বস্ত্ৰশিল্প আদি বিভাগৰ মন্ত্ৰী উৰখাও গৌড়া ব্ৰহ্ম, শিক্ষা বিভাগৰ উপদেষ্টা ড৹ ননীগোপাল মহন্তও উপস্থিত থাকে।
Published by:Sehnaz Begum
First published:

শেহতীয়া বাতৰি