প্ৰধানমন্ত্ৰী মোদীলৈ ৰাহুল গান্ধীৰ One simple question, হিমন্ত বিশ্ব শৰ্মাই দিলে One simple answer

দেশত সম্প্ৰতি কোৰোণা ভাইৰাছৰ প্ৰকোপ। যদিও ক্ৰমাৎ আক্ৰান্ত সংখ্যা হ্ৰাস পাব ধৰিছে তথাপি এতিয়াও কমা নাই বিপদ। আনহাতে, কোৰোণাৰ পৰা মুক্ত হ’বৰ বাবে চলিছে টিকাকৰণ অভিযান। প্ৰতিদিনেই চলিছে টিকাকৰণ প্ৰক্ৰিয়া। ১৮ বছৰৰ ওপৰৰ লোকসকলক ভেকচিন প্ৰদানৰ প্ৰক্ৰিয়া অব্যাহত আছে দেশজুৰি। ইতিমধ্যে ১৮ বছৰৰ ওপৰৰ লোকসকলৰ বাবে বিনামূলীয়াকৈ ভেকচিন প্ৰদানৰ কথা ঘোষণা কৰিছে চৰকাৰে।

ইয়াৰ মাজতে আজি কংগ্ৰেছৰ যুৱৰাজ ৰাহুল গান্ধীয়ে টুইটাৰযোগে প্ৰধানমন্ত্ৰী নৰেন্দ্ৰ মোদীক ভেকচিন সম্পৰ্কত সুধিলে এটা প্ৰশ্ন। টুইটাৰত ৰাহুল গান্ধীয়ে লিখিছে – ‘‘এটা সাধাৰণ প্ৰশ্ন – যদি ভেকচিন সকলোৰে বাবে বিনামূলীয়া, তেন্তে কিয় ব্যক্তিগত চিকিৎসালয়ে ইয়াৰ বাবদ মূল্য কিয় ল’ব লাগে?’’

One simple question-

If vaccines are free for all, why should private hospitals charge for them? #FreeVaccineForAll

— Rahul Gandhi (@RahulGandhi) June 7, 2021

প্ৰধানমন্ত্ৰী নৰেন্দ্ৰ মোদীলৈ কৰা এই টুইটৰ উত্তৰ দিলে অসমৰ মুখ্যমন্ত্ৰী হিমন্ত বিশ্ব শৰ্মাই।

One simple answer-

Every 18+ Indian will be given free vaccine by PM @narendramodi Govt at public hospitals, those who want to pay can opt for a private.

Don't knit-pick like an immature kid https://t.co/Ar3dPAYDCO

— Himanta Biswa Sarma (@himantabiswa) June 7, 2021

ৰাহুল গান্ধীক প্ৰত্যুত্তৰ দি ড০ হিমন্ত বিশ্ব শৰ্মাই লিখিলে – ‘‘এটা সাধাৰণ উত্তৰ – ১৮ বছৰৰ ওপৰৰ প্ৰতিজন লোককে মোদী চৰকাৰে চৰকাৰী হাস্পতালত বিনামূলীয়া ভেকচিন প্ৰদান কৰিব। যদিহে কোনোবাই পইচা দিব বিচাৰে তেন্তে ব্যক্তিগত হাস্পতাললৈ যাব পাৰে।’’