CM Himanta Biswa In Digboi : ডিগবৈৰ টিংৰাইত বিস্ফোৰণত নিহতৰ আত্মীয়লৈ ৫ লাখ টকাকৈ সাহাৰ্য। ঘটনাস্থলী পৰিদৰ্শন মুখ্যমন্ত্ৰীৰ। নিহতৰ পৰিয়ালক সাক্ষাৎ কৰি জনালে সমবেদনা।
নিহত সুৰজিত তালুকদাৰৰ পিতৃ-মাতৃকো সাক্ষাৎ মুখ্যমন্ত্ৰীৰ। দোষী সকলোৱে আইন মতে শাস্তি পাব বুলি মন্তব্য।
নিহত সুৰজিত তালুকদাৰৰ পিতৃ-মাতৃকো সাক্ষাৎ মুখ্যমন্ত্ৰীৰ। দোষী সকলোৱে আইন মতে শাস্তি পাব বুলি মন্তব্য।
- News18 Assam
- Last Updated :
ডিগবৈৰ টিংৰাইত গ্ৰেনেড বিস্ফোৰণত নিহতৰ আত্মীয়লৈ ৫ লাখ টকাকৈ সাহাৰ্য ঘোষণা ৰাজ্য় চৰকাৰৰ। আজি ঘটনাস্থলী পৰিদৰ্শন কৰি মুখ্যমন্ত্ৰী হিমন্ত বিশ্ব শৰ্মাই এই ঘোষণা কৰে।
মন্ত্ৰী সঞ্জয় কিষাণ আৰু নাহৰকটীয়াৰ বিধায়ক তৰংগ গগৈৰ সৈতে বিস্ফোৰণথলী পৰিদৰ্শন কৰে মুখ্যমন্ত্ৰী শৰ্মাই। এই ঘটনাৰ সৈতে যিয়েই জড়িত আছে তেওঁলোকক তদন্ত কৰি শীঘ্ৰে কৰায়ত্ত কৰাৰ নিৰ্দেশ দিছে মুখ্যমন্ত্ৰী শৰ্মাই। সংবাদমাধ্যমৰ আগত শৰ্মাই কয় যে দোষী সকলোৱে আইন মতে শাস্তি পাব।
মুখ্যমন্ত্ৰীয়ে ঘটনাটোত নিহত সুৰজিত তালুকদাৰৰ পিতৃ-মাতৃকো সাক্ষাৎ কৰি সমবেদনা জ্ঞাপন কৰে। আনহাতে ডিব্ৰুগড়ত চিকিৎসালয়ত চিকিৎসাধীন আন দুজনৰ চিকিৎসাৰ দায়িত্ব চৰকাৰে গ্ৰহণ কৰিব বুলি ঘোষণা কৰে।
পৰিস্থিতিৰ বুজ লৈ সকলোকে শান্তি বজাই ৰাখিবলৈ আহ্বান জনায় মুখ্যমন্ত্ৰী শৰ্মাই।
আনহাতে আলফা স্বাধীনে অপহৰণ কৰা ONGCৰ কৰ্মী ৰিতুল শইকীয়া বৰ্তমান ম্যানমাৰত আছে বুলি জনায় মুখ্যমন্ত্ৰীগৰাকীয়ে। চৰকাৰৰ হাতত এই তথ্য আছে বুলি মন্তব্য কৰি শৰ্মাই কয় যে ৰিতুল শইকীয়াক ঘূৰাই অনাৰ বাবে চৰকাৰে সকলো প্ৰকাৰৰ চেষ্টা কৰি আছে।
উল্লেখ্য যে শুকুৰবাৰৰ টিংৰাই বিস্ফোৰণৰ দায়িত্ব অস্বীকাৰ কৰিছে আলফা স্বাধীনে। এই ঘটনাৰ পিছতে আজিৰ পৰা তিনিমাহৰ বাবে সংগঠনটোৱে যুদ্ধবিৰতিও ঘোষণা কৰিছে।
মন্ত্ৰী সঞ্জয় কিষাণ আৰু নাহৰকটীয়াৰ বিধায়ক তৰংগ গগৈৰ সৈতে বিস্ফোৰণথলী পৰিদৰ্শন কৰে মুখ্যমন্ত্ৰী শৰ্মাই। এই ঘটনাৰ সৈতে যিয়েই জড়িত আছে তেওঁলোকক তদন্ত কৰি শীঘ্ৰে কৰায়ত্ত কৰাৰ নিৰ্দেশ দিছে মুখ্যমন্ত্ৰী শৰ্মাই। সংবাদমাধ্যমৰ আগত শৰ্মাই কয় যে দোষী সকলোৱে আইন মতে শাস্তি পাব।
মুখ্যমন্ত্ৰীয়ে ঘটনাটোত নিহত সুৰজিত তালুকদাৰৰ পিতৃ-মাতৃকো সাক্ষাৎ কৰি সমবেদনা জ্ঞাপন কৰে। আনহাতে ডিব্ৰুগড়ত চিকিৎসালয়ত চিকিৎসাধীন আন দুজনৰ চিকিৎসাৰ দায়িত্ব চৰকাৰে গ্ৰহণ কৰিব বুলি ঘোষণা কৰে।
পৰিস্থিতিৰ বুজ লৈ সকলোকে শান্তি বজাই ৰাখিবলৈ আহ্বান জনায় মুখ্যমন্ত্ৰী শৰ্মাই।
আনহাতে আলফা স্বাধীনে অপহৰণ কৰা ONGCৰ কৰ্মী ৰিতুল শইকীয়া বৰ্তমান ম্যানমাৰত আছে বুলি জনায় মুখ্যমন্ত্ৰীগৰাকীয়ে। চৰকাৰৰ হাতত এই তথ্য আছে বুলি মন্তব্য কৰি শৰ্মাই কয় যে ৰিতুল শইকীয়াক ঘূৰাই অনাৰ বাবে চৰকাৰে সকলো প্ৰকাৰৰ চেষ্টা কৰি আছে।
উল্লেখ্য যে শুকুৰবাৰৰ টিংৰাই বিস্ফোৰণৰ দায়িত্ব অস্বীকাৰ কৰিছে আলফা স্বাধীনে। এই ঘটনাৰ পিছতে আজিৰ পৰা তিনিমাহৰ বাবে সংগঠনটোৱে যুদ্ধবিৰতিও ঘোষণা কৰিছে।
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|
