» অসম

চুবুৰীয়া ৰাজ্যৰ সৈতে অসমৰ অন্যতম সমস্যা হৈছে সীমা সমস্যা। সীমান্তৰ উত্তেজনাৰ বাবেই মিজোৰাম আৰক্ষীৰ গুলীত নিহত হল অসম আৰক্ষীৰ ৬ জনকৈ জোৱান। আহত হল প্ৰায়  ৫০ গৰাকী লোক।

অসম মিজোৰামৰ লাইলাপুৰৰ দৰে ঘটনা অন্যান্য চুবুৰীয়া ৰাজ্যৰ লগতো যাতে পুনৰাবৃত্তি নহয় তাৰ বাবে প্ৰচেষ্টা চলাইছে অসমৰ মুখ্যমন্ত্ৰী ড: হিমন্ত বিশ্ব শৰ্মাই। শুকুৰবাৰে গুৱাহাটীৰ প্ৰশাসনীয় পদাধিকাৰী মহাবিদ্যালয় প্ৰেক্ষাগৃহত অসম আৰু মেঘালয়ৰ সীমা সমস্যা সম্পৰ্কত মুখ্যমন্ত্ৰী পৰ্য্যায়ত বৈঠক অনুষ্ঠিত হয়।

মুখ্যমন্ত্ৰী পৰ্য্যায়ৰ বৈঠকত অংশ লৈছে অসমৰ মুখ্যমন্ত্ৰী হিমন্ত বিশ্ব শৰ্মা আৰু মেঘালয়ৰ মুখ্যমন্ত্ৰী কনৰাড ছাংমাই। গুৰুত্বপূৰ্ণ বৈঠকখনত ভৈয়াম জনজাতি উন্নয়ন মন্ত্ৰী ইউ জি ব্ৰহ্ম, সীমান্ত উন্নয়ন দপ্তৰৰ মন্ত্ৰী অতুল বৰা আৰু পৰিবহণ মন্ত্ৰী চন্দ্ৰমোহন পাটোৱাৰীয়েও অংশগ্ৰহণ কৰে। মেঘালয়ৰো সাতগৰাকী মন্ত্ৰীয়ে অংশ লৈছে গুৰুত্বপূৰ্ণ বৈঠকখনত। দুয়োখন ৰাজ্যই যোৰাবাট, পিলিংকাটা আৰু লাংপিৰ লগতে আন কিছু ঠাইত থকা সীমা সমস্যা আলোচনাৰ মাধ্যমেৰে সমাপ্ত কৰাৰ পোষকতা কৰে।