ৰাজ্য চৰকাৰৰ কেবিনেট বৈঠকঃ জানো আহক সিদ্ধান্তসমূহ

মঙ্গলবাৰে জনতা ভৱনত অনুষ্ঠিত হোৱা অসম কেবিনেট বৈঠকত আগন্তুক বর্ষৰ মাতৃ-পিতৃ বন্দনা কার্যসূচীৰ বাবে বিশেষ নৈমিত্তিক ছুটী, শেহতীয়া কমনৱেলথ গেমছত স্বর্ণপদকপ্রাপক শ্রীমতী নয়নমণি শইকীয়ালৈ উপ-আৰক্ষী অধীক্ষক পদ, অসম চৰকাৰৰ চিন্তন শিবিৰ, কাৰিকৰী শিক্ষাত নতুন পদক্ষেপ, অচল আইন বাতিলকে ধৰি বহুকেইটা গুৰুত্বপূর্ণ সিদ্ধান্ত গ্রহণ কৰা হয়। এই সিদ্ধান্তসমূহ এনেধৰণৰ-

মাতৃ-পিতৃ বন্দনাৰ হেতু বিশেষ নৈমিত্তিক ছুটীঃ

• ৰাজ্যিক কৰ্মচাৰীসকলে ৯, ১০ আৰু ১১ ফেব্ৰুৱাৰী ২০২৩ত বিশেষ নৈমিত্তিক ছুটীৰ লগতে ১২ ফেব্ৰুৱাৰী দেওবাৰে বন্ধৰ দিন লাভ কৰিব।


• এই সময় লাভেৰে কৰ্মচাৰীসকলে নিজৰ জীৱিত পিতৃ-মাতৃ/শহুৰ-শাহুৰ সৈতে সময় অতিবাহিত কৰিব পাৰিব।

নয়নমণি শ‍ইকীয়াক উপ-আৰক্ষী অধীক্ষক পদবীঃ

• শেহতীয়া বার্মিংহাম কমনৱেলথ গেমছত স্বর্ণ পদকপ্রাপক নয়নমণি শ‍ইকীয়াক অসম আৰক্ষীৰ উপ-আৰক্ষী অধীক্ষক হিচাপে অসম সংহত ক্রীড়া নীতি ২০১৭-১৮ (সংশোধনী মৰ্মে)ৰ অধীনত নিযুক্তি। লগতে ফৰেষ্ট কামাণ্ডেন্ট সন্মানেৰে সন্মানিত কৰাৰ ওপৰিও ৫০ লাখ টকা আগবঢ়াব চৰকাৰে। ৩ ছেপ্টেম্বৰ তাৰিখ 'অভিৰুচি ক্ৰীড়া দিৱস'ৰ দিনা এই উপহাৰ প্ৰদান কৰিব।


• তেখেতৰ কৃতিত্বক স্বীকৃতিৰ লগতে যুৱ সমাজক ক্রীড়াক কেৰিয়াৰ হিচাপে লোৱাত উৎসাহিত কৰাৰ হেতু এই পদক্ষেপ।

কাৰিকৰী শিক্ষা খণ্ডলৈ উৎসাহঃ

• চৰকাৰী পলিটেকনিক প্রতিষ্ঠান আৰু আই টি আইসমূহক উৎকর্ষ কেন্দ্ৰ হিচাপে উন্নীতকৰণ।


• ২৭ খন জিলাৰ ৩৯ খন আই টি আই আৰু ১৯ খন জিলাৰ ২২খন পলিটেকনিক প্ৰতিষ্ঠানত ৩০৭.২২ কোটি ব্যয়েৰে কাৰখানা আৰু প্ৰযুক্তি পৰীক্ষাগাৰ নিৰ্মাণ।

অচল আইন বাতিলঃ

• ১২ ছেপ্টেম্বৰ ২০২২ৰ পৰা অনুষ্ঠিত হ'বলগীয়া পৰৱৰ্তী বিধানসভা অধিবেশনত অসম বাতিল বিধেয়ক, ২০২২ দাখিলৰ জৰিয়তে বাতিল হ'ব ২৭খন অচল আইন।

বাতিল হ'বলগীয়া বিভিন্ন বিভাগৰ আইনসমূহ এনেধৰণৰ-

• কৃষি: Assam Agricultural Pests and Diseases Act 1950. Assam Agriculturist Loans (Extension to United Khasi, Jaintia Hills District) Act 1963, Assam Dadans Act 1944, Assam Debt. Conciliation Act 1936


• পশুপালন আৰু পশু চিকিৎসা: Assam Cattle Diseases Act 1948


• স্বাস্থ্য আৰু পৰিয়াল কল্যাণ: Bengal Vaccination Act 1880, Assam Drugs (Control) Act 1950, Assam Kala-Azar Treatment Act 1949, Rural Health Regulatory Authority Act 2004


• গৃহ আৰু নগৰ পৰিক্ৰমা: Assam Apartments (Construction and Transfer of Ownership) Act 2006, Assam Development Authorities Act 1964, Assam Municipal (Validation of Election) Act 1957, Assam Non-Agricultural Urban Areas Tenancy Act 1955, Assam Urban Immovable Property Tax Act 1969, Guwahati Non-Bio-Degradable Garbage (Control and Prevention) Act 2006


• পৰিৱেশ আৰু বন: Assam National Parks Act 1968, Assam Rhinoceros Preservation Act 1954


• আবকাৰী: Assam Excise (Extension to Mizo) District Act 1961


• মীন: Assam Excise (Extension to Mizo) District Act 1961


• উদ্যোগ, বাণিজ্য আৰু ৰাজহুৱা প্ৰতিষ্ঠান: Assam Cement Control Act 1953, Assam Handicraft Artisan Welfare Fund Act 1998, Assam State Industrial Relief Undertakings (Special Provision) Act 1984


• বিত্ত: Assam Industries (Sales Tax Concessions) Act 1986


• তথ্য আৰু জনসংযোগ: Lusai Hills) Act 1954


• শ্রমিক কল্যাণ: Assam Shramik Bahini Act 1959


• ভূমি সংৰক্ষণ: Sylhet Jhum Regulation 1891

ভূদান আৰু গ্ৰামদান ভূমি-বেদখল ৰোধৰ পদক্ষেপঃ

• অসম ভূমি আৰু ৰাজহ নিয়ন্ত্রণ, ১৮৮৬ ভূদান আৰু গ্ৰামদান ভূমিত অবিৰত বেদখল প্ৰতিৰোধ কৰিবলৈ সংশোধন।

সংশোধনেৰে অন্তর্ভুক্ত-

• চৰকাৰলৈ অসম ৰাজ্যিক ভূদান গ্ৰামদান ব'ৰ্ডৰ নিয়ন্ত্রণাধীন ন্যস্ত ভূমি।

• অনুদানদাতাসকলক অধিকাৰ প্ৰদান।

• অসম গ্ৰামদান আইন, ১৯৬১ আৰু অসম ভূদান আইন, ১৯৬৫ বাতিল।

সংশোধনেৰে সক্ষম কৰিব-

• প্রাতিষ্ঠানিক আৰু আন্তঃগাঁথনিমূলক প্রকল্প, থলুৱা/কুটীৰ উদ্যোগৰ বিকাশ আদিৰ বাবে চৰকাৰী ভূমিলৈ ৰূপান্তৰৰ পাছত ভূদান ভূমিৰ সৰ্বোত্তম/ন্যায়সংগত ব্যৱহাৰ।

• বিদ্যমান ভূমি বেংকসমূহ একত্ৰিত কৰি ভূদান/ গ্ৰামদান ভূমি নিয়মীয়াকৰণৰ সুবিধা প্ৰদান।

• অসম ভূমি আৰু ৰাজহ নিয়ন্ত্রণ, ১৮৮৬ (নিষ্পত্তি নিয়ম) আৰু ভূমি নীতি, ২০১৯ অনুসৰি ভূদান/গ্রামদান ভূমিত থলুৱা অধিবাসীসকলৰ নিষ্পত্তিকৰণ।

• অবিৰত বেদখল / ভূমি দখল/অবৈধ হস্তান্তৰ আদিৰ ক্ষেত্ৰত শাস্তিমূলক/আইনী ব্যৱস্থা ল'বলৈ ভূদান/গ্রামদান ভূমিৰ ৰক্ষক হিচাপে চৰকাৰক অনুমোদন।

চিন্তন শিবিৰঃ

• ২৪-২৬ ছেপ্টেম্বৰ ২০২২ত মুখ্যমন্ত্ৰীৰ সভাপতিত্বত অনুষ্ঠিত হ'ব চিন্তন শিবিৰ। এই শিবিৰত কেবিনেট মন্ত্রী, প্রায় ৫৭টা বিভাগৰ জ্যেষ্ঠ সচিবসকলে অংশগ্রহণ কৰিব।


• ই বিভিন্ন অমীমাংসিত বিষয়ত আলোচনা আৰু সমস্যাবোৰৰ মোকাবিলা কৰাত ভৱিষ্যৎ পৰিকল্পনা প্রস্তুত কৰিব।

অচল আইন বাতিলঃ

• ২৮৯খন অচল আইন বাতিলৰ বাবে অসম বিনিয়োজন আইন (বাতিল) বিধেয়ক, ২০২২ত অনুমোদন।


• বিনিয়োজন আইনসমূহৰ বৈধতাৰ সময়সীমা শেষ হোৱাৰ পাছত পৰিত্যক্ত হিচাপে থকা আইনসমূহৰ হেতু এই পদক্ষেপ।


• চৰকাৰী কাম-কাজ সুশৃংখলিত কৰিবলৈ ১৯৫৩-২০১৯ চনৰ ভিতৰত প্ৰণয়ন কৰা ১৩খন অচল অসম আকস্মিক পুঁজি (কপাছ বৃদ্ধি) আইন বাতিলৰ বাবে অসম আকস্মিক পুঁজি আইন (বাতিল) বিধেয়ক ২০২২ত অনুমোদন।

যুৱ সবলীকৰণঃ

• অসম শিক্ষাৰ্থী আৰু যুৱ কল্যাণৰ ৰাজ্যিক পৰ্যায়ৰ পৰামর্শদাতা সমিতি (SLAC)ক সঠিক কার্যকৰী ৰূপৰেখা আৰু পৰিকাঠামো প্ৰদানৰ বাবে পঞ্জীভুক্ত ছ'চাইটীলৈ ৰূপান্তৰ।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|