মুখ্যপৃষ্ঠা » খবৰ

» অসম

»মামৰে ধৰিছে নাবিক প্ৰশিক্ষণ কেন্দ্ৰ ! ৭ বছৰে বন্ধ হৈ আছে উত্তৰ পূবৰ একমাত্ৰ নাবিক প্ৰশিক্ষণ কেন্দ্ৰ !

মামৰে ধৰিছে নাবিক প্ৰশিক্ষণ কেন্দ্ৰ ! ৭ বছৰে বন্ধ হৈ আছে উত্তৰ পূবৰ একমাত্ৰ নাবিক প্ৰশিক্ষণ কেন্দ্ৰ !

News18 Assam | News18-Assam
Updated:September 13, 2021, 8:38 AM IST
মামৰে ধৰিছে নাবিক প্ৰশিক্ষণ কেন্দ্ৰ ! ৭ বছৰে বন্ধ হৈ আছে উত্তৰ পূবৰ একমাত্ৰ নাবিক প্ৰশিক্ষণ কেন্দ্ৰ !
গুৱাহাটী পাণবজাৰস্থিত উত্তৰ পুৱৰ একমাত্ৰ নাবিক প্ৰশিক্ষণ কেন্দ্ৰটি বিগত সাত বছৰৰ পৰা বন্ধ হৈ থকাৰ অভিযোগ  । পানীৰ ওপৰত থকা নাবিক প্ৰশিক্ষণ কেন্দ্ৰটিৰ প্ৰতি চৰকাৰৰ অবহেলাৰ বাবে এতিয়া মামৰে ধৰিছে জাহাজৰ প্ৰায় অংশত ।

গুৱাহাটী পাণবজাৰস্থিত উত্তৰ পুৱৰ একমাত্ৰ নাবিক প্ৰশিক্ষণ কেন্দ্ৰটি বিগত সাত বছৰৰ পৰা বন্ধ হৈ থকাৰ অভিযোগ  । পানীৰ ওপৰত থকা নাবিক প্ৰশিক্ষণ কেন্দ্ৰটিৰ প্ৰতি চৰকাৰৰ অবহেলাৰ বাবে এতিয়া মামৰে ধৰিছে জাহাজৰ প্ৰায় অংশত ।

  • News18 Assam
  • Last Updated: September 13, 2021, 8:38 AM IST
  • Share this:
ৰাজ্যৰ আভ্যন্তৰীণ জল পৰিবহণ বিভাগৰ নাভুত নাশ্ৰুত ঘটনা । শেহতীয়াকৈ নিমাতী ঘাটৰ নাও দুৰ্ঘটনাৰ পিছত সকলোৰে মনত প্ৰশ্নৰ উদয় হৈছে ,কাৰ অধীনত চলিছে জলপৰিবহণ বিভাগ । ব্ৰহ্মপুত্ৰৰ জাহাজ নাবিক প্ৰশিক্ষণ  অবিহনেই চলে ।

নাবিকৰ পৰিৱৰ্তে সাধাৰণ কৰ্মীয়ে চলাই আহিছে অত্যাধুনিক জাহাজ । যাৰ বাবে ব্ৰহ্মপুত্ৰত সঘনাই সংঘটিত হয় ফেৰী দুৰ্ঘটনা । আভ্যন্তৰীণ জল পৰিবহণ বিভাগৰ ভিতৰ চ'ৰাৰ আচল খবৰ শুনিলে অবাক হ'ব সকলো । গুৱাহাটী পাণবজাৰস্থিত উত্তৰ পুৱৰ একমাত্ৰ নাবিক প্ৰশিক্ষণ কেন্দ্ৰটি বিগত সাত বছৰৰ পৰা বন্ধ হৈ থকাৰ অভিযোগ  । পানীৰ ওপৰত থকা নাবিক প্ৰশিক্ষণ কেন্দ্ৰটিৰ প্ৰতি চৰকাৰৰ অবহেলাৰ বাবে এতিয়া মামৰে ধৰিছে জাহাজৰ প্ৰায় অংশত । এফালৰ পৰা নষ্ট হৈ গৈছে আচবাব । প্ৰশিক্ষণ কেন্দ্ৰৰ এই দূৰৱস্থাৰ বাবে প্ৰশিক্ষণ অবিহনে মাষ্টৰ আথবা নাবিক হৈছে সাধাৰণ  কৰ্মচাৰী ।

জল পৰিবহণ বিভাগৰ গুৱাহাটী পাণ বজাৰৰ কাৰ্যালয় তদাৰক বিষয়া ব্ৰজেন ভূঞাই সদৰী কৰামতে নাবিক প্ৰশিক্ষণ কেন্দ্ৰটি জীৱিত কৰি পুনৰ নাবিকৰ প্ৰশিক্ষণৰ ব্যৱস্থা কৰিব লাগে । নাবিকৰ প্ৰশিক্ষণ  থকা হলে দুৰ্ঘটনা নহ'ল হেতেন বুলি কয় ।  ইফালে ফাঁকিবাজ এজন জলপৰিবহণ কৰ্মীয়ে নিজকে নাবিক বুলি পৰিচয় দি পিছত বিপদত পৰাৰ ভয়ত কলে আচল কথা । তেওঁ হেনো ছাইৰেণমেন , জাহাজ চপোৱা চাই ছিগনেল দিয়ে ।  এইবাৰ ছাইৰেণ মেনক বছাবলৈ লৰি আহিল আন এজন কৰ্মচাৰী । তেখেতে নিজকে নাবিক আৰু প্ৰশিক্ষণ থকা বুলি কয় । পিছে পৰিচয় পত্ৰ বিচাৰোতে ওলাল ওৰহী গছৰ ওৰ  । তেখেত  চালক তথা নাবিক নহয় , তলৰ পদবীৰ লস্কৰহে । এনেদৰে কামচোৰ ফাঁকিবাজ কৰ্মচাৰীয়ে বছৰ বছৰ ধৰি চলাই আহিছে জল পৰিবহণ বিভাগ আৰু ব্ৰহ্মপুত্ৰত ভয়াবহ দুৰ্ঘটনা সংঘটিত হৈ আহিছে ।

নিয়ন্ত্ৰণহীন জল পৰিবহণ বিভাগৰ বাবেই উত্তৰ গুৱাহাটীৰ অশ্বক্লান্তৰ সমীপৰ জাইকা দলং , ধুবুৰী মেডাৰেটাৰী আৰু  যোৰহাট নিমাতী ঘাটত শোকাৱহ ভটভটী দুৰ্ঘনা সংঘটিত হৈছিল । কিন্তু প্ৰতিটো দুৰ্ঘটনাৰ পৰা শিক্ষা ল'ব নোৱাৰিলে জল পৰিবহণ বিভাগে ।  বাংলাদেশৰ ছিটাগঞ্জলৈ আন্ত:ৰাষ্ট্ৰীয় জলমাৰ্গ নিৰ্মাণ কৰা পৰিবহণ মন্ত্ৰী চন্দ্ৰমোহন পাটোৱাৰীয়ে গুৱাহাটীতে বনাব পৰা নাই আন্তঃগাথনি । ইয়াৰ পিছতো ৰাইজ জল পৰিবহণ বিভাগৰ প্ৰতি কিয় আস্বস্ত হ'ব ।
Published by: Kokil Sarma
First published: September 13, 2021, 8:38 AM IST
আৰু চাওক
পৰৱৰ্তী বাতৰি

শেহতীয়া বাতৰি