মুখ্যপৃষ্ঠা » খবৰ

» অসম

»বড়োভূমিৰ ১২টা বিধানসভা সমষ্টি কোনে দখল কৰিব? AJP-ৰাইজৰ দলে BPFক দিবনে এৰি?

বড়োভূমিৰ ১২টা বিধানসভা সমষ্টি কোনে দখল কৰিব? AJP-ৰাইজৰ দলে BPFক দিবনে এৰি?

News18 Assam | News18-Assam
Updated:February 18, 2021, 9:35 AM IST
বড়োভূমিৰ ১২টা বিধানসভা সমষ্টি কোনে দখল কৰিব? AJP-ৰাইজৰ দলে BPFক দিবনে এৰি?
ইতিমধ্যে ৰাইজৰ দল আৰু অসম জাতীয় পৰিষদৰ সৈতে গোপনে আলোচনা চলাইছে BPF মুৰব্বী হাগ্ৰামা মহিলাৰীয়ে!

ইতিমধ্যে ৰাইজৰ দল আৰু অসম জাতীয় পৰিষদৰ সৈতে গোপনে আলোচনা চলাইছে BPF মুৰব্বী হাগ্ৰামা মহিলাৰীয়ে!

  • Share this:
এপ্ৰিলত অনুষ্ঠিত হ'বলগীয়া অসম বিধানসভাৰ নিৰ্বাচনত BTRৰ এলেকাধীন বাৰটা সমষ্টিক নিজৰ দখললৈ নিবলৈ ৰণনীতি প্ৰস্তুত কৰিছে প্ৰতিটো ৰাজনৈতিক দলে৷ BPFৰ দখলত থকা বাৰটা বিধানসভা সমষ্টিক নিজৰ দখললৈ নিবলৈ সাজু BJP-UPPL-GSPৰ মিত্ৰজোঁট৷ কিন্তু সম্ভৱ হ'বনে এই ৰণনীতি?

BTR চুক্তিৰ পিছত হাগ্ৰামা মহিলাৰী নেতৃত্বাধীন BPFৰ দখলত সোতৰটা বছৰে থকা বড়োভূমিৰ শাসনভাৰ নিজ দখললৈ নিছিল প্ৰমোদ বড়ো নেতৃত্বাধীন UPPL-এ৷ UPPLক সহযোগ কৰিলে BJP আৰু সাংসদ নৱ কুমাৰ শৰণীয়া GSP–এ৷ ইয়াৰ পিছত এইবাৰ BPFৰ দখলত থকা বাৰটা বিধানসভা সমষ্টি নিজ দখললৈ নিবলৈ ৰণনীতি প্ৰস্তুত কৰিছে BTRত মিত্ৰতাত থকা BJP-UPPL-GSPৰ মিত্ৰজোঁটে৷ তিনিওটা দলে আসন্ন বিধানসভাৰ নিৰ্বাচনত বাৰটা সমষ্টিত আসন ভাগ-বতৰা কৰি নিৰ্বাচনত প্ৰতিদ্বন্দ্বিতা কৰিবলৈ সাজু হৈছে৷

ইতিমধ্যে বাক্সাৰ দুটা আৰু চিৰাঙৰ দুটা, মুঠ চাৰিটা বিধানসভা সমষ্টিত নিৰ্বাচন খেলাৰ বাবে সাজু হৈছে নৱ কুমাৰ শৰণীয়াৰ GSP৷ এই কথা নৱ কুমাৰ শৰণীয়াই ৰাজহুৱাও কৰিছে৷

GSPক এৰি দিয়া চাৰিটা সমষ্টিৰ পিছত UPPL আৰু BJP–এ বাকী আঠটা সমষ্টিত প্ৰতিদ্বন্দ্বিতা কৰিব৷ কিন্তু BJP-UPPL-GSPৰ ৰণনীতিৰ দৰে নিজৰ দখলত দীৰ্ঘদিনে থকা বিধানসভাৰ সমষ্টি কেইটাত ক্ষমতা অটুত ৰাখিবলৈ বদ্ধপৰিকৰ BPF৷

ইতিমধ্যে ৰাইজৰ দল আৰু অসম জাতীয় পৰিষদৰ সৈতে গোপনে আলোচনা চলাইছে BPF মুৰব্বী হাগ্ৰামা মহিলাৰীয়ে! বড়োভূমিৰ বাহিৰৰ সমষ্টিসমূহত ৰাইজৰ দল আৰু অসম জাতীয় পৰিষদৰ প্ৰাৰ্থীক BPF–এ সমৰ্থন দিবলৈ সাজু হৈছে৷ ইয়াৰ বিনিময়ত বড়োভূমিৰ বাৰটা বিধানসভাৰ সমষ্টিত ৰাইজৰ দল আৰু অসম জাতীয় পৰিষদে BPFক এৰি দিব লাগিব৷ এইক্ষেত্ৰত গোপনে চলা আলোচনাই বিশেষ গতি লাভ কৰিছে বুলি BPFৰ এক শীৰ্ষ সূত্ৰই সদৰি কৰিছে৷

অৱশ্যে ৰাইজৰ দল আৰু অসম জাতীয় পৰিষদে এই পৰ্যায়ৰ আনুষ্ঠানিকভাৱে কোনো কথা খুলি কোৱা নাই৷ কিন্তু এই বুজাবুজিৰ ভিত্তিতেই আগন্তুক এপ্ৰিলত অনুষ্ঠিত হ'বলগীয়া নিৰ্বাচনত BPF–এ নিৰ্বাচন খেলিব৷ AJPৰ সভাপতি লুৰিণজ্যোতি গগৈয়ে এই সন্দৰ্ভত বুধবাৰে ক'লে- “BPFৰে মিত্ৰতাৰ সন্দৰ্ভত আমাৰ আলোচনা চলি আছে আৰু বিষয়টো যোগাত্মক দিশত আগবাঢ়িছে৷”

ইপিনে ৰাইজৰ দল আৰু অসম জাতীয় পৰিষদৰ সৈতে মিত্ৰতা কৰিবলৈ বাৰম্বাৰ চেষ্টা কৰিও সফল নোহোৱা কংগ্ৰেছ-AIUDFএ বড়োভূমিৰ বাৰটা সমষ্টিত কেনেদৰে প্ৰতিদ্বন্দ্বিতা কৰিব সেয়া এতিয়াও অস্পষ্ট৷ কংগ্ৰেছ-AIUDFৰ মহাজোঁট বন্ধনে বড়োভূমিৰ সমষ্টি কেইটাত প্ৰতিদ্বন্দ্বিতা কৰিবনে নে BPFক এৰি দিব- সেয়া এই পৰ্যন্ত ঘোষণা কৰা নাই৷ কিন্তু খবৰ মতে BPFৰে কংগ্ৰেছ-AIUDFৰ আলোচনাও চলি আছে৷
Published by: Sanjay Kumar Das
First published: February 18, 2021, 9:35 AM IST
আৰু চাওক
পৰৱৰ্তী বাতৰি

শেহতীয়া বাতৰি