உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • Assam Assembly Election 2021 : মুখ্যমন্ত্ৰী–হিমন্ত বিশ্বৰ বুজনিত নিৰ্বাচন নেখেলাৰ সিদ্ধান্ত জয়ন্ত দাসৰ, কিন্তু সহায় নকৰে অতুল বৰাক

    Assam Assembly Election 2021 : মুখ্যমন্ত্ৰী–হিমন্ত বিশ্বৰ বুজনিত নিৰ্বাচন নেখেলাৰ সিদ্ধান্ত জয়ন্ত দাসৰ, কিন্তু সহায় নকৰে অতুল বৰাক

    অতুল বৰাক দলীয় টিকট প্ৰদান কৰাৰ পিছতে দলৰ শীৰ্ষ নেতৃত্বৰ বিৰুদ্ধে ক্ষোভ উজাৰি জয়ন্ত দাসে নিৰ্দলীয় হিচাপে নিৰ্বাচন খেলাৰ কথা ঘোষণা কৰিছিল৷

    অতুল বৰাক দলীয় টিকট প্ৰদান কৰাৰ পিছতে দলৰ শীৰ্ষ নেতৃত্বৰ বিৰুদ্ধে ক্ষোভ উজাৰি জয়ন্ত দাসে নিৰ্দলীয় হিচাপে নিৰ্বাচন খেলাৰ কথা ঘোষণা কৰিছিল৷

    অতুল বৰাক দলীয় টিকট প্ৰদান কৰাৰ পিছতে দলৰ শীৰ্ষ নেতৃত্বৰ বিৰুদ্ধে ক্ষোভ উজাৰি জয়ন্ত দাসে নিৰ্দলীয় হিচাপে নিৰ্বাচন খেলাৰ কথা ঘোষণা কৰিছিল৷

    • Share this:
    অৱশেষত সকলো জল্পনা-কল্পনাৰ ওৰ পেলাই বুধবাৰে নিবাচন নেখেলাৰ আনুষ্ঠানিক সিদ্ধান্ত গ্ৰহণ কৰিলে দিছপুৰ (Dispur) সমষ্টিৰ বিজেপিৰ টিকট বঞ্চিত জয়ন্ত দাসে (Jayanta Das)৷ প্ৰায় ৩০ বছৰ ধৰি বিজেপিৰ এজন নিষ্ঠাবান কৰ্মী হিচাপে জয়ন্ত দাস খুবেই জনপ্ৰিয় দিছপুৰ সমষ্টিবাসীৰ মাজত৷ প্ৰায়ে সমষ্টিবাসীৰ সুখ–দুখৰ সমভাগী আছিল জয়ন্ত দাস৷ সকলোৱে আশা কৰিছিল আগন্তক বিধানসভা নিৰ্বাচনত দিছপুৰ সমষ্টিৰ পৰা  শাসকীয় দলৰ হৈ টিকট লাভ কৰিব জয়ন্ত দাসে৷ কিন্তু শেষ মুহূৰ্তত জয়ন্ত দাসক বঞ্চিত কৰি দিছপুৰ সমষ্টিৰ টিকট প্ৰদান কৰা হ’ল পূৰ্বৰ বিধায়ক অতুল বৰা (Atul Borah)ক৷

    অতুল বৰাক দলীয় টিকট প্ৰদান কৰাৰ পিছতে দলৰ শীৰ্ষ নেতৃত্বৰ বিৰুদ্ধে ক্ষোভ উজাৰি জয়ন্ত দাসে নিৰ্দলীয় হিচাপে নিৰ্বাচন খেলাৰ কথা ঘোষণা কৰিছিল৷ যাৰ বাবে মঙলবাৰে ৰুক্মিণীগাঁৱত এক জনসভা আয়োজন কৰিছিল জয়ন্ত দাসে৷ য’ত দিছপুৰ সমষ্টিৰ বিজেপিৰ বুথ পৰ্যায়ৰ কৰ্মীসকলক মাতি অনা হৈছিল৷

    এই জনসভাতে প্ৰতিজন কাৰ্যকৰ্তাই জয়ন্ত দাসক নিৰ্দলীয়  হিচাপে প্ৰতিদ্বন্দ্বিতা কৰাৰ প্ৰস্তাৱ দিছিল৷ বিজেপি কৰ্মীসকলৰ এই প্ৰস্তাৱক সঁহাৰি জনাই জয়ন্ত দাসে এদিনৰ সময়সীমা বিচাৰিছিল৷

    জয়ন্ত দাসৰ এই ঘোষণাৰ পিছতে মুখ্যমন্ত্ৰী সোণোৱাল (Sarbananda Sonowal) আৰু হিমন্ত বিশ্ব শৰ্মা (Himanta Biswa Sarma)ই ফোনযোগে জয়ন্ত দাসক নিৰ্বাচনত অৱতীৰ্ণ নহ’বলৈ আহ্বান জনোৱাৰ লগতে মুখ্যমন্ত্ৰীৰ বাসভৱনলৈ মাতি পঠাইছিল৷ মুখ্যমন্ত্ৰীৰে আলোচনাৰ পিছতে বুধবাৰে বিয়লি নিৰ্বাচন নেখেলাৰ সিদ্ধান্ত জয়ন্ত দাসে আনুষ্ঠানিকভাৱে ঘোষণাৰ পিছতে সমৰ্থকসকলে ঘেৰাও কৰে জয়ন্ত দাসৰ ঘৰ ৷

    প্ৰায় ১০ হাজাৰ লোকৰ স্বাক্ষৰ লৈ সমৰ্থকসকলে বুধবাৰে সন্ধিয়াৰ ভাগত জয়ন্ত দাসৰ ঘৰ ঘেৰাও কৰি পৰিস্থিতি উত্তাল কৰি তোলে৷ পৰিস্থিতি নিয়ন্ত্ৰণৰ বাবে জয়ন্ত দাসে দলীয় সমৰ্থকলকলক আলোচনাৰ মাজেৰে বুজোৱাৰ চেষ্টা চলায়৷ দলীয় নেতৃত্বৰ প্ৰতি সঁহাৰি জনাই নিৰ্দলীয় হিচাপে নিৰ্বাচন নেখেলাৰ সিদ্ধান্ত গ্ৰহণ কৰাৰ কথা দলীয় কৰ্মীসকলক অৱগত কৰে৷ প্ৰতিদ্বন্দ্বিতা নকৰিলেও দল হিচাপে বিজেপিক সহায় কৰিব যদিও অতুল বৰাক সহায় নকৰো বুলি মন্তব্য কৰে জয়ন্ত দাসে৷
    Published by:Sanjay Kumar Das
    First published: