Assam Assembly Elections 1st Phase Poll: ভোটাৰ কাৰ্ড নাথাকিলেও দিব পাৰিব ভোট, পিছে কেনেকৈ?

News18 Assam | News18-Assam
Updated:March 27, 2021, 7:37 AM IST
Assam Assembly Elections 1st Phase Poll: ভোটাৰ কাৰ্ড নাথাকিলেও দিব পাৰিব ভোট, পিছে কেনেকৈ?
পুৱা ৭ বজাৰ পৰা আৰম্ভ হৈছে ভোটগ্ৰহণ। পুৱাই ভোটকেন্দ্ৰত ভিৰ কৰিছে ভোটাৰে।

পুৱা ৭ বজাৰ পৰা আৰম্ভ হৈছে ভোটগ্ৰহণ। পুৱাই ভোটকেন্দ্ৰত ভিৰ কৰিছে ভোটাৰে।

  • Share this:
আজি অসম বিধানসভা নিৰ্বাচনৰ প্ৰথম পৰ্যায়ৰ ভোটগ্ৰহণ প্ৰক্ৰিয়া। পুৱা ৭ বজাৰ পৰা আৰম্ভ হৈছে ভোটগ্ৰহণ। পুৱাই ভোটকেন্দ্ৰত ভিৰ কৰিছে ভোটাৰে। প্ৰথম পৰ্যায়ৰ নিৰ্বাচনত নগাওঁ জিলাৰ পাঁচটা বিধানসভা সমষ্টিৰ লগতে উজনি অসমৰ ১১ খন জিলাৰ ১১ হাজাৰ ৫৩৭ টা ভোটগ্ৰহণ কেন্দ্ৰত অনুষ্ঠিত হ'ব ভোটগ্ৰহণ প্ৰক্ৰিয়া। প্ৰথম পৰ্যায়ত মুঠ ৪৭টা সমষ্টিত হ’ব নিৰ্বাচন।

পিছে ভোটাৰ আই ডি কাৰ্ড নাথাকিলে দিব পাৰিবনে ভোট?

নিৰ্বাচন আয়োগে জানিবলৈ দিছে যে, এইবাৰ ভোটাৰ কাৰ্ড নাথাকিলেও ভোট দিব পাৰিব। কিন্তু ইয়াৰ পৰিৱৰ্তে আপুনি ভোটকেন্দ্ৰত উপস্থিত থকা বিষযাক দেখাব লাগিব অন্য পৰিচয় পত্ৰ।

কেনেধৰণৰ ডকুমেণ্ট দেখুৱাই সাব্যস্ত কৰিব পাৰিব ভোটাধিকাৰ? 

  • যদি আপোনাৰ ভোটাৰ আই ডি কাৰ্ড নাই তেন্তে আধাৰ কাৰ্ড, পান কাৰ্ড অথবা ড্ৰাইভিং লাইচেন্স দেখুৱাইয়ো ভোটাধিকাৰ সাব্যস্ত কৰিব পাৰিব।

  • যদি আপোনাৰ হাতত সাংসদ, বিধায়ক, পৰিষদীয় সদস্যই দিয়া চৰকাৰী পৰিচয় পত্ৰ আছে, তেন্তে তাৰ জৰিয়তেও ভোটদান কৰিব পাৰিব।


  • এমএনৰেগাৰ বাবে দিয়া কাৰ্ড দেখুৱাইও ভোট দিব পাৰিব। আনকি, শ্ৰম মন্ত্ৰ্যালয়ে দিয়া হেলথ স্মাৰ্ট কাৰ্ড দেখুৱালেও হ'ব।

  • বেংক বা পোষ্ট অফিচৰ ফটোযুক্ত পাছবুক দেখুৱাই ভোট দিব পাৰিব।

  • কেন্দ্ৰ, ৰাজ্য, ৰাজহুৱা খণ্ডৰ বা পাব্লিক লিমিটেড সংস্থাই দিয়া ফটোযুক্ত পৰিচয় পত্ৰ দেখুৱাইও ভোট দিব পাৰিব।

  • পাছপোৰ্ট থাকিলে ভোট দিব পাৰিব। এন পি আৰৰ অধীনত আৰ জি আইৰ দ্বাৰা দিয়া স্মাৰ্ট কাৰ্ড দেখুৱাইও ভোট দিব পৰা যাব।

Published by: Himangshu Bhuyan
First published: March 27, 2021, 7:37 AM IST
আৰু চাওক
পৰৱৰ্তী বাতৰি

শেহতীয়া বাতৰি