বিধানসভাত প্ৰৱেশৰ পূৰ্বে কৰিব লাগিব ৰেপিড টেষ্ট, কোৰোণাত আক্ৰান্ত ৭ বিধায়কৰ সন্দৰ্ভত কি লোৱা হ’ল সিদ্ধান্ত?

News18 Assam | News18-Assam
Updated:August 26, 2020, 4:20 PM IST
বিধানসভাত প্ৰৱেশৰ পূৰ্বে কৰিব লাগিব ৰেপিড টেষ্ট, কোৰোণাত আক্ৰান্ত ৭ বিধায়কৰ সন্দৰ্ভত কি লোৱা হ’ল সিদ্ধান্ত?
অহা ৩১ আগষ্টৰ পৰা অসম বিধানসভাৰ গ্ৰীষ্মকালীন অধিৱেশন ৷ চাৰিদিনীয়াকৈ অনুষ্ঠিত হ'বলগীয়া এই অধিৱেশনৰ পূৰ্বে কোৰোণা মহামাৰীৰ প্ৰতি লক্ষ্য ৰাখি বিশেষ কাৰ্য ব্যৱস্থা গ্ৰহণ কৰিছে অসম বিধানসভাৰ সচিবালয়ে

অহা ৩১ আগষ্টৰ পৰা অসম বিধানসভাৰ গ্ৰীষ্মকালীন অধিৱেশন ৷ চাৰিদিনীয়াকৈ অনুষ্ঠিত হ'বলগীয়া এই অধিৱেশনৰ পূৰ্বে কোৰোণা মহামাৰীৰ প্ৰতি লক্ষ্য ৰাখি বিশেষ কাৰ্য ব্যৱস্থা গ্ৰহণ কৰিছে অসম বিধানসভাৰ সচিবালয়ে

  • Share this:
অহা ৩১ আগষ্টৰ পৰা অসম বিধানসভাৰ গ্ৰীষ্মকালীন অধিৱেশন ৷ চাৰিদিনীয়াকৈ অনুষ্ঠিত হ'বলগীয়া এই অধিৱেশনৰ পূৰ্বে কোৰোণা মহামাৰীৰ প্ৰতি লক্ষ্য ৰাখি বিশেষ কাৰ্য ব্যৱস্থা গ্ৰহণ কৰিছে অসম বিধানসভাৰ সচিবালয়ে ৷ এই বিষয়ত এক নিৰ্দেশনা বুধবাৰে বিধানসভাৰ বিষয়া-কৰ্মচাৰীৰ বাবে জাৰি কৰা হৈছে ৷ লগতে বিধানসভাৰ প্ৰধান সচিব মৃগেন্দ্ৰ কুমাৰ ডেকাই জনালে- “বিধানসভাৰ চৌহদত প্ৰৱেশৰ পূৰ্বে ৰেপিড টেষ্ট কৰিব লাগিব সকলো মন্ত্ৰী-বিধায়কে ৷ একেদৰে ৰেপিড টেষ্ট কৰিব লাগিব বিষয়া-কৰ্মচাৰী আৰু সাংবাদিক সকলেও ৷ ইয়াৰ বাবে আমি ব্যৱস্থা গ্ৰহণ কৰিছো ৷ এই হিচাপত ২৮ আৰু ২৯ আগষ্টত ৰেপিড টেষ্টৰ ব্যৱস্থা কৰা হৈছে ৷”



বিধানসভাৰ ভিতৰত প্ৰতিটো দলৰ বিধায়কৰ উপস্থিতি সন্দৰ্ভতো দলসমূহে জনাব লাগিব ৷ সামাজিক দূৰত্ব ৰক্ষাৰ স্বাৰ্থত এই বিধানসভাৰ সচিয়াবলয়ে ৷ লগতে বিভাগীয় প্ৰশ্ন নাথাকিলে মন্ত্ৰীয়ে বিধানসভাৰ মজিয়াত উপস্থিত থকাৰ সলনি নিজ কাৰ্যালয় কক্ষত থকাৰ ব্যৱস্থা কৰিছে বিধানসভাৰ সচিবালয়ে ৷ এই সন্দৰ্ভত প্ৰধান সচিব মৃগেন্দ্ৰ কুমাৰ ডেকাই ক'লে - “পঞ্চাশ শতাংশ সদস্যৰ উপস্থিতিৰ প্ৰতি লক্ষ্য ৰখা হ'ব ৷ প্ৰশ্ন নাথাকিলে মন্ত্ৰীয়ে নিজৰ কাৰ্যালয় কক্ষতে থাকিব ৷”

ইপিনে শেহতীয়াক কোৰোণাত আক্ৰান্ত হৈছে সাত বিধায়ক ৷ কোৰোণা মহামাৰীত শেহতীয়াকৈ আক্ৰান্ত হৈছে প্ৰাক্তন মুখ্যমন্ত্ৰী তৰুণ গগৈ, অজন্তা নেওগ, ৰমেন্দ্ৰ নাৰায়ণ কলিতা, ভুৱন পেগু, ভৱেন ভৰালী, ভাস্কৰ শৰ্মা আৰু কমল সিং নাৰ্জাৰী ৷ কোৰোণা মহামাৰীত আক্ৰান্ত এই সাত বিধায়কে এই গ্ৰীষ্মকালীন অধিবেশনত অংশগ্ৰহণ কৰিব নোৱাৰিব ৷

Published by: Himangshu Bhuyan
First published: August 26, 2020, 4:19 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading