Arvind Kejriwal's Tweet : তিৰোভাৱ তিথিত শ্ৰীমন্ত শংকৰদেৱলৈ প্ৰণাম জনাই অৰবিন্দ কেজৰিৱালে অসমীয়া ভাষাত কৰিলে টুইট

অসমৰ সমাজ জীৱনৰ প্ৰাণপুৰুষ শ্ৰীমন্ত শংকৰদেৱৰ আজি তিৰোভাৱ তিথি উপলক্ষে দিল্লীৰ মুখ্যমন্ত্ৰী অৰবিন্দ কেজৰিৱালে জগতগুৰুজনালৈ শ্ৰদ্ধাঞ্জলি জ্ঞাপন কৰে। অৰবিন্দ কেজৰিৱালে অসমীয়া ভাষাতে মহাপুৰুষ শ্ৰীমন্ত শংকৰদেৱৰ তিৰোভাৱ তিথিত শ্ৰদ্ধাঞ্জলি অৰ্পণ কৰে।

অসমৰ মহাপুৰুষগৰাকীৰ প্ৰতি দিল্লীৰ মুখ্যমন্ত্ৰীৰ শ্ৰদ্ধাঞ্জলি জ্ঞাপনে ৰাজ্যবাসীক স্বাভাৱিকতে আনন্দিত কৰিছে।

হৰি নাম ৰসে বৈকুণ্ঠ প্ৰকাশে
প্ৰেম অমৃতৰ নদী
শ্ৰীমন্ত শংকৰে পাৰ ভাঙি দিলা
বহে ব্ৰহ্মাণ্ডক ভেদি।।

মহাপুৰুষ শ্ৰীমন্ত শংকৰদেৱৰ তিৰোভাৱ তিথিত গুৰুজনালৈ শতকোটি প্ৰণাম।

— Arvind Kejriwal (@ArvindKejriwal) August 29, 2022

উল্লেখ্য, দিল্লীৰ মুখ্যমন্ত্ৰীগৰাকীৰ সৈতে সম্প্ৰতি অসমৰ মুখ্যমন্ত্ৰীৰ টুইটাৰত বাক্যযুদ্ধ চলি থকাৰ সময়তে কেজৰিৱালে অসমীয়া ভাষাত শ্ৰীমন্ত শংকৰদেৱলৈ শতকোটি প্ৰণাম জনাই শ্ৰদ্ধাঞ্জলি নিবেদন কৰা টুইটে বিশেষ তাত্‍পৰ্য বহন কৰা বুলিও সচেতন মহলত চৰ্চা হৈছে।