বাক্সাৰ মুছলপুৰত অঘটন৷ নিশা ৰাইজে আটক কৰিলে এজন সেনা জোৱানক৷ এটা পৰিয়ালত এগৰাকী মহিলাৰে সৈতে অসংযত অৱস্থাত ৰাইজে হাতে–লোটে কৰি গতাই দিয়ে আৰক্ষীক৷ আটকাধীন জোৱানজন মুছলপুৰত থকা ভাৰতীয় সেনাৰ জাট ৰেজিমেণ্টৰ৷ সেনা জোৱানজনৰ নাম বিৰেশ৷ ঘৰ ৰাজস্থানত৷
জানিব পৰা মতে, দেওবাৰে নিশা ভাৰতীয় সেনাৰ জোৱানজনে মুছলপুৰ আৰক্ষী থানাৰ অন্তৰ্গত বেলগুৰিপথাৰ গাঁৱৰ এগৰাকী বিধবা মহিলাৰ ঘৰত প্ৰৱেশ কৰা ৰাইজে প্ৰত্যক্ষ কৰে৷ বহু সময়লৈ সেনা জোৱানজন মহিলাগৰাকীৰ ঘৰৰ পৰা ওলাই নহাত ৰাইজে সন্দেহ কৰি প্ৰৱেশ কৰাত অসংযত অৱস্থাত প্ৰত্যক্ষ কৰে৷
স্থানীয় ৰাইজে সেনা জোৱানজনক উত্তম–মধ্যম দি মুছলপুৰ আৰক্ষীক খবৰ দিয়ে৷ পিছত আৰক্ষী ঘটনাস্থলীত উপস্থিত হৈ সেনা জোৱানজনক ৰাইজৰ কবলৰ পৰা উদ্ধাৰ কৰি থানালৈ লৈ যায়৷ ইতিমধ্যে সেনা জোৱানজনে পূৰ্বেও মহিলাগৰাকীৰ ঘৰলৈ অহাৰ কথা স্বীকাৰ কৰে৷
Published by:Sanjay Kumar Das
First published:
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|