ফেচবুকত ভাৰতবিৰোধী পোষ্ট দিয়া কোন এই কাবুল খান? সৰুপথাৰত গোচৰ ৰুজু আমছুৰ

আকৌ ফেচবুকত ভাৰতবিৰোধী পোষ্ট। গোলাঘাট জিলাৰ ধনশিৰি মহকুমাৰ উৰিয়ামঘাটৰ এজন যুৱকে ফেচবুকত দেশবিৰোধী পোষ্ট আপলোড কৰি সমাজত বিষবাস্প বিয়পোৱাৰ চেষ্টা চলোৱা দেখা গৈছে ৷ কাবুল খান নামৰ এটা ফেচবুক একাউণ্টৰ পৰা ‘পাকিস্তান জিন্দাবাদ , ইণ্ডিয়া মুৰ্দাবাদ’ শ্লোগান লিখাৰ উপৰি প্ৰধানমন্ত্ৰী নৰেন্দ্ৰ মোদীৰ বিৰুদ্ধে কৰিছে অশালীন মন্তব্য।

ফেচবুক একাউণ্টত উৰিয়াঘাটৰ ঠিকনা লিখা কাবুল খানৰ ঘৰ উৰিয়ামঘাটৰ পিঠাঘাট জাকিৰ তিনি আলিৰ বুলি জানিবপৰা গৈছে ৷ ফেচবুকত দেশবিৰোধী পোষ্ট দিয়াৰ ওপৰি কাবুলে  ৯৩৬৫২৭৯৫৬৭ এটা মোবাইল নম্বৰো উল্লেখ কৰিছে ৷

দেশবিৰোধী আৰু দেশৰ প্ৰধানমন্ত্ৰীৰ বিৰুদ্ধে অশালীন মন্তব্য কৰা কাবুল খানৰ বিৰুদ্ধে আমছুৰ ধনশিৰি সমিতিয়ে উৰিয়ামঘাট থানাত এক গোচৰ ৰুজু কৰিছে৷ সামজিক মাধ্যমত এনে দেশবিৰোধী পোষ্ট আপলোড কৰা কাবুলক অতি সোনকালে গ্ৰেপ্তাৰ কৰি উচিত শাস্তি দিবলৈ আমছুৰ ধনশিৰি সমিতিৰ লগতে মহকুমাবাসীয়ে দাবী জনাইছে৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।