আকৌ বিতৰ্ক! এইবাৰ ডেকা, কোঁৱৰ, হাজৰিকা, শইকীয়া, গগৈ, বড়ো, কাৰ্বি আৰু বৰদলৈক লৈ কি ক’লে আমিনুল ইছলামে?
কিছুদিন পূৰ্বে আহোম সন্দৰ্ভত বিতৰ্কিত মন্তব্য কৰি স্বৰ্গদেউ চাওলুং চুকাফাৰ প্ৰতিকৃতিত ক্ষমা খুজিছিল আমিনুল ইছলামে।
বিতর্কিত মন্তব্যৰে সদায় সংবাদ মাধ্যমৰ শিৰোনাম দখল কৰি কুখ্যাতি লভা ধিং সমষ্টিৰ বিধায়ক আমিনুল ইছলামৰ পুনৰ খিলঞ্জীয়া সংজ্ঞাৰ ওপৰত বিতর্কিত মন্তব্য । খিলঞ্জীয়া কোন ? এই সন্দৰ্ভত সংজ্ঞা নিৰ্ধাৰণ হোৱা নাই যদিও ১৯৫১ চনৰ আগত অসমত বসবাস কৰা লোক সকলক খিলঞ্জীয়া হ’ব বুলি বিভিন্ন সময়ত বিভিন্ন জনে মত প্ৰকাশ কৰি আহিছে। এই সন্দৰ্ভত প্ৰতিক্ৰিয়া প্ৰকাশ এআইইউডিএফৰ বিধায়ক আমিনুল ইছলামৰ, তেওঁৰ মতে, খিলঞ্জীয়াৰ কাৰণে ১৯৫১ চনৰ ভিত্তি বৰ্ষ হ’লে অসমত বসবাস কৰা মিঞা মুছলমান সকলে সেয়া মানি ল’ব, কিন্তু মিঞা মুছলমান সকলে যদি ১৯৫১ চনৰ নথি পত্ৰ দাখিল কৰিব লাগে তেন্তে অসমত বস বাস কৰা আন আন জনগোষ্ঠীৰ সকলোৱে দাখিল কৰিব লাগিব নথি পত্ৰ । নহ’লে কোনো কাৰণতে মানি লোৱা নহ'ব এই ভিত্তি বৰ্ষ । বৃহস্পতিবাৰে ধিং সমষ্টিৰ বেচামাৰী বজাৰত অনুষ্ঠিত এ আই ইউ ডি এফৰ এখন মুকলি সভাত এই মন্তব্য কৰে আমিনুল ইছলামে ।
বিধায়ক গৰাকীয়ে এই প্ৰসংগত কয় যে, ডেকা, কোঁৱৰ, হাজৰিকা, শইকীয়া, গগৈ ,বড়ো, কাৰ্বি আৰু বৰদলৈ সকলো লোকেই ১৯৫১ চনৰ নথি পত্ৰ দেখুৱাব লাগিব । অন্যথা কোনো কাৰণতে মানি লোৱা নহব ১৯৫১ চনৰ ভিত্তিবৰ্ষ । কিয়নো কোনো হিন্দু বাংলাদেশী লোকে উপাধি সলনি কৰি খিলঞ্জীয়াৰ অন্তভুর্ক্ত হ’ব পাৰে। আমিনুল ইছলামৰ এই মন্তব্যক লৈ সৃষ্টি হৈছে প্ৰতিক্ৰিয়াৰ।
(ৰূপহীহাটৰ পৰা মোজাম্মিল হক, News18)
বিধায়ক গৰাকীয়ে এই প্ৰসংগত কয় যে, ডেকা, কোঁৱৰ, হাজৰিকা, শইকীয়া, গগৈ ,বড়ো, কাৰ্বি আৰু বৰদলৈ সকলো লোকেই ১৯৫১ চনৰ নথি পত্ৰ দেখুৱাব লাগিব । অন্যথা কোনো কাৰণতে মানি লোৱা নহব ১৯৫১ চনৰ ভিত্তিবৰ্ষ । কিয়নো কোনো হিন্দু বাংলাদেশী লোকে উপাধি সলনি কৰি খিলঞ্জীয়াৰ অন্তভুর্ক্ত হ’ব পাৰে। আমিনুল ইছলামৰ এই মন্তব্যক লৈ সৃষ্টি হৈছে প্ৰতিক্ৰিয়াৰ।
(ৰূপহীহাটৰ পৰা মোজাম্মিল হক, News18)
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|
