Cabinet Decisions : অসমত দুটা মিল্ক প্ৰচেছিং ইউনিটৰ বাবে ভূমি আবণ্টন, কেবিনেট বৈঠকত লোৱা হৈছে আৰু বহু সিদ্ধান্ত

জনতা ভৱনত অনুষ্ঠিত হয় ৰাজ্য চৰকাৰৰ কেবিনেট বৈঠক। বৈঠকত লোৱা বহুকেইটা গুৰুত্বপূৰ্ণ সিদ্ধান্তৰ বিষয়ে পৰ্যটন মন্ত্ৰী জয়ন্ত মল্ল বৰুৱাই সংবাদলেমত উল্লেখ কৰে।

কেবিনেট সিদ্ধান্ত অনুসৰি অসমৰ দুগ্ধ উৎপাদন বৃদ্ধি কৰিবৰ বাবে জইভেঞ্চৰ কোম্পেনীৰ উদ্যোগত অসমত দুটা মিল্ক প্ৰছেচিং ইউনিটৰ বাবে ভূমি আবণ্টন চৰকাৰৰ ৷  এই দুই মিল্ক প্ৰচেছিং ইউনিট হ'ব যোৰহাট আৰু ডিব্ৰুগড়ত ৷

ৰাজ্যত নতুনকৈ দুখন বিশ্ববিদ্যালয় স্থাপনৰ সিদ্ধান্ত ৷ নতুন বিশ্ববিদ্যালয় দুখন গিৰিজানন্দ চৌধুৰী বিশ্ববিদ্যালয় আৰু প্ৰাগজ্যোতিষ বিশ্ববিদ্যালয় নামেৰে স্থাপনৰ সিদ্ধান্তত চৰকাৰৰ অনুমোদন ৷

সাধাৰণ গোচৰ নিষ্পত্তিৰ বাবে ৰাজ্য চৰকাৰৰ কেবিনেটৰ গুৰুত্বপূৰ্ণ সিদ্ধান্ত ৷ ৰাজ্যৰ ৪ লাখ ১৯ হাজাৰ  গোচৰ সৰলীকৰণ ফলত প্ৰায় ৩ লাখ গোচৰ নিষ্পত্তি হ'ব৷

ৰাজ্যৰ ৩৪ পলিটেকনিক আৰু ৪৩ খন ITI প্ৰতিষ্ঠানত টাটাই শিক্ষা প্ৰদান কৰিব ৷ ইয়াৰ আন্তগাঁথনি নিৰ্মাণৰ বাবে ৩৬৬ কোটি টকা কেবিনেটত অনুমোদন ৷

নলবাৰী চিকিৎসা মহাবিদ্যালয় নিৰ্মাণৰ বাবে অতিৰিক্ত ৩৯৭ কোটি টকা অনুমোদন ৷ চিকিৎসা মহাবিদ্যালয়খনত সৰ্বমুঠ ব্যয় হ'ব ৬১৫ কোটি টকা ৷

দুৰ্যোগ প্ৰশমন বিভাগৰ আগতীয়াকৈ ব্যৱস্থা কৰিবৰ বাবে ৩% ধন ৰিক্স ডিডাকচন ফাণ্ড ৰূপে ৰখা হ'ব ৷ আগন্তুক ২০২৩–২৪ চনৰ বাজেটৰ পৰা এই নীতি কাৰ্যকৰী হ'ব ৷