১১ নৱেম্বৰৰ পৰা বিজেপি দলৰ বিধায়কক লগ নাপাব অসমত, পিছে কাৰণ কি জানেনে?

১২, ১৩ আৰু ১৪ নৱেম্বৰত সমগ্ৰ দেশৰ বিজেপি বিধায়কসকলে অংশগ্ৰহণ কৰিব তিনিদিনীয়া প্ৰশিক্ষণ শিবিৰত ৷ দলৰ বিচাৰ ধাৰা, দলৰ আদৰ্শৰ লগতে বিধায়ক পুঁজিৰ ব্যৱহাৰ, আঁচনি ৰূপায়ণ, অন্তোদ্যয়ৰ দ্বাৰা সমাজৰ শেষৰ ব্যক্তিজনৰ কাষ চপা আদি বিষয়কলৈ আলোচনা আৰু প্ৰশিক্ষণ ল'ব বিধায়কসকলে ৷

বিজেপি শাসিত ৰাজ্যসমূহৰ লগতে বিজেপিয়ে শাসন নকৰা ৰাজ্যসমূহৰ বিজেপি বিধায়কসকলো উপস্থিত থাকিব প্ৰশিক্ষণত ৷ মুম্বাইৰ ৰামভাও মহাল্গী প্ৰবোধিনীত হ'বলগীয়া প্ৰশিক্ষণ শিবিৰৰ বাবে ৯ নৱেম্বৰতে মুম্বাইলৈ ৰাওনা হ'ব অসমৰ অধিকাংশ বিজেপি বিধায়ক ৷

"১২, ১৩ আৰু ১৪ নৱেম্বৰত মুম্বাইৰ ৰামভাও মাল্গী প্ৰবোধিনীত অনুষ্ঠিত হ'ব দেশৰ সকলো বিজেপি বিধায়কৰ প্ৰশিক্ষণ ৷ তিনিদিনীয়া প্ৰশিক্ষণ শিৱিৰত মাৰ্গদৰ্শনৰ বাবে সমল ব্যক্তি হিচাপে উপস্থিত থাকিব দেশৰ গৃহমন্ত্ৰী অমিত শ্বাহ, ৰাষ্ট্ৰীয় সভাপতি জে পি নাড্ডা, ৰাষ্ট্ৰীয় সাংগঠনিক সাধাৰণ সম্পাদক বি এল সন্তোষ, মুখ্যমন্ত্ৰী ড৹ হিমন্ত বিশ্ব শৰ্মাকে ধৰি শীৰ্ষ নেতৃত্ব ৷ উন্নয়নমূলক কাম-কাজ, দলৰ বিচাৰ ধাৰা,পুঁজিৰ ব্যৱহাৰকে ধৰি আন বহু বিষয়ত বিতংকৈ সমল ব্যক্তিসকলে প্ৰশিক্ষণ দিব ৷ যাৰ বাবে ৯ তাৰিখেই আমি ৰাওনা হ'ম ৷ ১১ তাৰিখৰ ভিতৰত সকলো বিধায়ক উপস্থিত হ'ব লাগিব ৷"—ভৱেশ কলিতাই এনেদৰে কয়।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।