জে’লৰ পৰাই ৰাইজৰ দলক নেতৃত্ব দিব অখিল গগৈয়ে! নতুন আঞ্চলিক দলটোৰ সভাপতি হিচাপে নিৰ্বাচিত হ’ল অখিল গগৈ

News18 Assam | News18-Assam
Updated:January 9, 2021, 9:48 AM IST
জে’লৰ পৰাই ৰাইজৰ দলক নেতৃত্ব দিব অখিল গগৈয়ে! নতুন আঞ্চলিক দলটোৰ সভাপতি হিচাপে নিৰ্বাচিত হ’ল অখিল গগৈ
অখিল গগৈক সভাপতি হিচাপে লৈ গঠন কৰা হ'ল নৱগঠিত আঞ্চলিক ৰাজনৈতিক দল 'ৰাইজৰ দল'-ৰ প্ৰথমখন কাৰ্যনিৰ্বাহক সমিতি ৷

অখিল গগৈক সভাপতি হিচাপে লৈ গঠন কৰা হ'ল নৱগঠিত আঞ্চলিক ৰাজনৈতিক দল 'ৰাইজৰ দল'-ৰ প্ৰথমখন কাৰ্যনিৰ্বাহক সমিতি ৷

  • Share this:
অখিল গগৈক সভাপতি হিচাপে লৈ গঠন কৰা হ'ল নৱগঠিত আঞ্চলিক ৰাজনৈতিক দল 'ৰাইজৰ দল'-ৰ প্ৰথমখন কাৰ্যনিৰ্বাহক সমিতি ৷ মৰাণত অনুষ্ঠিত হৈ থকা দলটোৰ ৰাজ্যিক অভিৱৰ্তনৰ দ্বিতীয় দিনা নিশা অনুষ্ঠিত প্ৰতিনিধি আৰু বিষয়বাচনি সভাত গঠন কৰা হয় সমিতিখন ৷

ড° হীৰেন গোহাঁইক মুখ্য উপদেষ্টা, ড° উদয়াদিত্য ভৰালী, ড° ইন্দ্ৰানী দত্ত, ড° সঞ্জয় তাঁতী, ড° হাফিজ ৰচিদ চৌধুৰী আৰু ড° ঘনশ্যাম নাথক দিয়া হৈছে উপদেষ্টামণ্ডলীৰ দায়িত্ব ৷ সভাই সৰ্ব্বসন্মতিক্ৰমে ভাস্ক' ডি শইকীয়া, কবীন্দ্ৰ চেতিয়া ফুকন আৰু জিতুল ডেকাক কাৰ্যকৰী সভাপতিৰ দায়িত্ব অৰ্পণ কৰে ৷

উপ-সভাপতি নিৰ্বাচন কৰা হয় ক্ৰমে সুমিত্ৰা হাজৰিকা, মোহিনী মোহন লিগিৰা, কমল কুমাৰ মেধি, ৰাচেল হুচেইন, দীপক শইকীয়া, ৰঞ্জিত তামুলী, ডা: হৰিকান্ত দাস, চৰণ ডেকা, দিলীপ বৰা, বেদান্ত লস্কৰ, হৰেশ্বৰ বৰ্মন, ফনী টায়েং, অনিল বড়ো, ভৱেন বৰুৱা, টংকেশ্বৰ মৰাণ, সিদ্ধাৰ্থ বৰুৱা আৰু পুলিন ভট্যাচাৰ্যক ৷

সাধাৰণ সম্পাদকৰ দায়িত্বত আছে মহেন্দ্ৰ দিহিঙীয়া, হুছেইন মহম্মদ ছাহজাহান, ৰুবুল দাস, গিৰিশংকৰ গোস্বামী, অংকুৰ শইকীয়া, অলক নাথ, লোহিত গগৈ, দিবস ফুকন আৰু জাহিৰুদ্দিন লস্কৰ ৷

ৰাইজৰ দলৰ আহ্বায়ক মণ্ডলীয়ে প্ৰস্তুত কৰা প্ৰায় ৯০ জনীয়া নতুন সমিতিখনৰ তালিকাখন পাঠ কৰে কৃষক মুক্তি সংগ্ৰাম সমিতিৰ সাধাৰণ সম্পাদক ধৈৰ্য কোঁৱৰে ৷ প্ৰতিনিধি সভাই সমিতিখন গৃহীত কৰে ৷ দায়িত্ব লাভ কৰাৰ পাছতে কাৰ্যকৰী সভাপতি ক্ৰমে ভাস্ক' ডি শইকীয়া, কবীন্দ্ৰ চেতিয়া ফুকন, অন্যতম সাধাৰণ সম্পাদক লোহিত গগৈয়ে কৃষক নেতা অখিল গগৈৰ নীতি-আদৰ্শৰে, অসমৰ ৰাইজৰ পৰামৰ্শৰে দলটো আগুৱাই নিয়াৰ অংগীকাৰ কৰে ৷
Published by: Himangshu Bhuyan
First published: January 9, 2021, 9:48 AM IST
আৰু চাওক
পৰৱৰ্তী বাতৰি

শেহতীয়া বাতৰি