প্ৰথম পৰ্যায়ত কিমান আসনত প্ৰতিদ্বন্দ্বিতা কৰিব AJP–ৰাইজৰ দলে? কি ক’লে লুৰিণ জ্যোতি গগৈয়ে?

News18 Assam | News18-Assam
Updated:March 1, 2021, 6:17 PM IST
প্ৰথম পৰ্যায়ত কিমান আসনত প্ৰতিদ্বন্দ্বিতা কৰিব AJP–ৰাইজৰ দলে? কি ক’লে লুৰিণ জ্যোতি গগৈয়ে?
File Photo

প্ৰথম পৰ্যায়ত গৰিষ্ঠসংখ্যক আসনত প্ৰতিদ্বন্দ্বিতা আগবঢ়োৱাৰ সিদ্ধান্ত দল দুটাৰ৷

  • Share this:
গুৱাহাটী চিকিৎসা মহাবিদ্যালয়ত অসম জাতীয় পৰিষদ আৰু ৰাইজৰ দলৰ সভাপতিৰ গুৰুত্বপূৰ্ণ বৈঠক৷ আগন্তক নিৰ্বাচনত দুই দলৰ প্ৰাৰ্থী তালিকা সন্দৰ্ভত আলোচনা অখিল গগৈ আৰু লুৰিণ জ্যোতি গগৈৰ৷ দুই দলৰ সভাপতিৰ বৈঠকৰ অন্তত লুৰিণ জ্যোতি গগৈৰ মন্তব্য – অচিৰেই প্ৰকাশ পাব মিত্ৰজোঁটৰ প্ৰাৰ্থী তালিকা৷

প্ৰথম পৰ্যায়ত গৰিষ্ঠসংখ্যক আসনত প্ৰতিদ্বন্দ্বিতা আগবঢ়োৱাৰ সিদ্ধান্ত দল দুটাৰ৷ উল্লেখযোগ্য যে দুই দলৰ নিৰ্বাচনী প্ৰচাৰৰ বাবে আহিব দিল্লীৰ মুখ্যমন্ত্ৰী অৰবিন্দ কেজৰিৱাল৷ কেজৰিৱালৰ আগমনক লৈ ইতিমধ্যে যোগাযোগ অব্যাহত থকা বুলি মন্তব্য লুৰিণজ্যোতি গগৈৰ৷

ইপিনে, BPF মহাজোটবন্ধনত যোগদান কৰাৰ পিছতে বড়োভূমিত কি হ’ব বুলি সাংবাদিকে কৰা প্ৰশ্নক লৈ AJPৰ সভাপতিগৰাকীৰ মন্তব্য – বড়োভূমিত নতুন নিৰ্বাচনী ৰণকৌশল প্ৰস্তুত হৈছে। এই বৈঠকৰ পিছতে ৰাইজৰ দলৰ অন্যতম ভাস্কো ডি শইকীয়াৰ মত, BJPক পৰাভূত কৰাৰ লক্ষ্যৰে প্ৰথম পৰ্যায়ত দলটোৱে আগবঢ়াব প্ৰাৰ্থী৷ যিকোনো পৰ্যায়ত বিজেপি পৰাভূত হ’বই লাগিব৷ অচিৰেই AJP–ৰাইজৰ দলৰ তালিকা প্ৰকাশ পাব৷ অখিল গগৈ আৰু লুৰিণ জ্যোতি গগৈৰ সমষ্টিও অচিৰেই প্ৰকাশ কৰা হ’ব।
Published by: Sanjay Kumar Das
First published: March 1, 2021, 6:17 PM IST
আৰু চাওক
পৰৱৰ্তী বাতৰি

শেহতীয়া বাতৰি