AJPত ব্যক্তি পূজা নচলিব, সমূহীয়া নেতৃত্বৰে পৰিচালিত হ’ব দল – মুখ্য কাৰ্যালয় মুকলিৰ পিছত এই মন্তব্য জগদীশ ভূঞাৰ

নৱগঠিত অসম জাতীয় পৰিষদ চমুকৈ AJPৰ মুখ্য কাৰ্যালয় আনুষ্ঠানিকভাৱে মুকলি হ’ল। গুৱাহাটীৰ লেম্ব ৰোডত AJPৰ মুখ্য কাৰ্যালয়টো দেওবাৰে আনুষ্ঠানিকভাৱে মুকলি কৰে দলটোৰ নেতা–কৰ্মীসকলে। গুৱাহাটীত দলৰ মুখ্য কাৰ্যালয়টো মুকলি হোৱাৰ পিছতেই News18ৰে হোৱা আছুতীয়া সাক্ষাৎকাৰত দলটোৰ সমন্বয়ক প্ৰাক্তন মন্ত্ৰী জগদীশ ভূঞাই বহু কথাই উল্লেখ কৰে।

জগদীশ ভূঞাৰ মতে, ব্যক্তিগত ধ্যান–ধাৰণাৰে AJP দল পৰিচালিত নহয়। সমূহীয়া নেতৃত্বৰে চলিব আঞ্চলিক দলটো। দলৰ নেতৃত্বত কোন থাকিব আৰু কোন নেতাৰ দ্বাৰা দলটো পৰিচালিত হ’ব সেই সম্পৰ্কে কোনো ধৰণৰ মন্তব্য আগবঢ়োৱাৰ পৰা বিৰত থকা জগদীশ ভূঞাই দল এতিয়া নৱেম্বৰৰ জাতীয় ৰাজনৈতিক আভিৱৰ্তনৰ বাবে ব্যস্ত বুলি সদৰি কৰে।

উল্লেখযোগ্য যে অসম জাতীয় পৰিষদ বুথৰ পৰা জিলা পৰ্যায়লৈ গঠন কৰাৰ কামো আৰম্ভ হৈছে। দেওবাৰে নতুন কাৰ্যালয়টোতে LDPৰ ৭২ গৰাকী ব্যক্তিয়ে AJP দলত যোগ দিয়ে।