• Home
  • »
  • News
  • »
  • assam
  • »
  • অসমৰ মুখ্যমন্ত্ৰী নহয় বদৰুদ্দিন আজমল, AIUDFৰ মজিয়াত লোৱা হ’ল সিদ্ধান্ত

অসমৰ মুখ্যমন্ত্ৰী নহয় বদৰুদ্দিন আজমল, AIUDFৰ মজিয়াত লোৱা হ’ল সিদ্ধান্ত

২০২১ৰ বিধানসভা নিৰ্বাচনৰ প্ৰতি লক্ষ্য ৰাখি এতিয়া তত্‍পৰ হৈছে শাসক-বিৰোধী।

২০২১ৰ বিধানসভা নিৰ্বাচনৰ প্ৰতি লক্ষ্য ৰাখি এতিয়া তত্‍পৰ হৈছে শাসক-বিৰোধী।

২০২১ৰ বিধানসভা নিৰ্বাচনৰ প্ৰতি লক্ষ্য ৰাখি এতিয়া তত্‍পৰ হৈছে শাসক-বিৰোধী।

  • Share this:
২০২১ৰ বিধানসভা নিৰ্বাচনৰ প্ৰতি লক্ষ্য ৰাখি এতিয়া তত্‍পৰ হৈছে শাসক-বিৰোধী। বিজেপিয়ে প্ৰচাৰ চলাইছে যে, কংগ্ৰেছ আৰু AIUDFৰ মাজৰ নিৰ্বাচনী মিত্ৰতাই বদৰুদ্দিন আজমল অসমৰ ত্ৰাণকৰ্তা হোৱাৰ বাট মুকলি কৰিব। এনে ধৰণৰ কথা-বতৰা চলি থকাৰ মাজতে শনিবাৰে ৰাজ্যৰ শেহতীয়া ৰাজনৈতিক পৰিবেশৰ সন্দৰ্ভত AIUDFৰ তিনিজনকৈ বিধায়কে সম্বোধন কৰে সংবলাদমেল।

সংবাদমেলত AIUDFৰ সাধাৰণ সম্পাদক তথা নাওবৈচা সমষ্টিৰ বিধায়ক মামুন ইমদাদুল হক চৌধুৰীৰ গুৰুত্বপূৰ্ণ ঘোষণা, বদৰুদ্দিন আজমল অসমৰ মুখ্যমন্ত্ৰী নহয় ৷ AIUDF দলে গ্ৰহণ কৰিছে এই সিদ্ধান্ত ৷ আমি ধৰ্মীয় সংখ্যালঘু, আমি শান্তিপূৰ্ণ আৰু সম্প্ৰীতিৰ মাজেৰে অসমৰ উন্নয়ণৰ বাবে কাম কৰি যাম।’

AIUDFৰ নেতা জনে লগতে কয় যে, ‘কংগ্ৰেছ- AIUDFৰ মিত্ৰতা হ’লে বিজেপিৰ যদি লাভ হ’ব, তেন্তে তেওঁলোকে ভালহে পাব লাগিছিল। কিন্তু কিয় তেওঁলোকে যিকোনো ধৰণৰ মন্তব্য কৰি আছে। সেই কথাবোৰৰ পৰাই প্ৰমাণিত হয় যে, তেওঁলোক এতিয়া শংকিত।’

আনহাতে বিধায়ক হাফিজ ৰফিকুল ইছলামেও উভতি ধৰে ৰাজ্য চৰকাৰক। বিধায়কজনৰ অভিযোগ,‘চৰকাৰৰ সকলো ঘোষণা নিৰ্বাচনকেন্দ্ৰিক ৷ বিজেপি চৰকাৰে ‘বিদেশী অনুপ্ৰৱেশকাৰী’ শব্দটো কোৱাৰ যুক্তি নাই ৷ তেওঁলোকে বিদেশীক স্বদেশী কৰিব বিচাৰিছে ৷ AIUDFএ এতিয়াও দাবী কৰে যে, ১৯৭১ৰ পিছত অহা সকলো বিদেশীকে চিনাক্ত কৰি বহিষ্কাৰ কৰিব লাগে। কিন্তু বিজেপিয়ে সেয়া কেতিয়াও নকৰে। কাৰণ তেওঁলোক বিদেশীৰ পক্ষত।’
Published by:Himangshu Bhuyan
First published: