নাই জয়ৰ নিশ্চয়তা! ছয়গাওঁ এৰি এইবাৰ পলাশবাৰীলৈ যোৱাৰ মন কমলা কলিতাৰ, মানি লোৱা নাই বিজেপি কৰ্মীয়ে

News18 Assam | News18-Assam
Updated:September 7, 2020, 10:38 AM IST
নাই জয়ৰ নিশ্চয়তা! ছয়গাওঁ এৰি এইবাৰ পলাশবাৰীলৈ যোৱাৰ মন কমলা কলিতাৰ, মানি লোৱা নাই বিজেপি কৰ্মীয়ে
ক্ৰমাৎ আকৰ্ষনীয় হৈছে সমষ্টি সমূহত প্ৰাৰ্থীত্ব প্ৰত্যাশীৰ মাজৰ যুঁজ

ক্ৰমাৎ আকৰ্ষনীয় হৈছে সমষ্টি সমূহত প্ৰাৰ্থীত্ব প্ৰত্যাশীৰ মাজৰ যুঁজ

  • News18 Assam
  • Last Updated: September 7, 2020, 10:38 AM IST
  • Share this:
যিমানেই নিৰ্বাচনৰ দিন চমু চাপিছে, সিমানেই তত্‍পৰ হৈ পৰিছে ৰাজনৈতিক নেতাসকল।ক্ৰমাৎ আকৰ্ষনীয় হৈছে সমষ্টি সমূহত প্ৰাৰ্থীত্ব প্ৰত্যাশীৰ মাজৰ যুঁজ। বিগত নিৰ্বাচনত পৰাজিত বিভিন্ন দলৰ কেবাগৰাকীও নেতাই এইবাৰ সলনি কৰিব বিচাৰিছে নিজৰ সমষ্টি। সেইসকলৰ ভিতৰত অন্যতম হ’ল ছয়গাওঁ সমষ্টিৰ অসম গণ পৰিষদৰ প্ৰাক্তন বিধায়ক তথা প্ৰাক্তন স্বাস্থ্যমন্ত্ৰী ডা০ কমলা কলিতা।

শেহতীয়াকৈ নিউজ ১৮ ৰ হাতত আহি পৰা খবৰ অনুসৰি, ২০০১, ২০১১ আৰু ২০১৬ বিধান সভা নিৰ্বাচনত ছয়গাওঁ সমষ্টিত পৰাজিত হোৱা কমলা কলিতাই একেটা সমষ্টিতে এইবাৰ ৰিস্ক লব বিচৰা নাই। তাৰ বিপৰীতে বিজেপিৰ দখলত থকা পলাশবাৰী সমষ্টিতহে প্ৰতিদ্বন্দিতা কৰিব বিচাৰিছে অগপ নেতাগৰাকীয়ে।

মিত্ৰ দলৰ চৰকাৰত অতি গুৰুত্বপূৰ্ণ হস্ততাঁত বস্ত্ৰ বিভাগৰ অধ্যক্ষৰ দায়িত্বত থকা কমলা কলিতাই তেনে আশাৰেই পলাশবাৰী সমষ্টিৰ বিভিন্ন স্থানত সভা সমিতি অনুষ্ঠিত কৰিছে যদিও নেতাগৰাকীয়ে এইপৰ্যন্ত ভালদৰে সঁহাৰি লাভ কৰা পৰিলক্ষিত হোৱা নাই। ইফালে কমলাৰ এই কাম-কাজ এতিয়া মানি ল’ব বিচৰা নাই পলাশবাৰীৰ বিজেপি কৰ্মীয়ে। কোনো পধ্যেই তেওঁলোকে কমলা কলিতাক গ্ৰহণ নকৰে বুলি ইতিমধ্যে জনাইছে ৰাজ্যিক বিজেপিৰ সভাপতি ৰণজিত্‍ দাসক।

আনহাতে কমলা কলিতাই ছয়গাওঁ সমষ্টি ত্যাগ কৰিব বিচৰা সন্দৰ্ভত সমষ্টিটোৰ দুবাৰৰ বিধায়ক শিক্ষা বিভাগৰ প্ৰাক্তন সংসদীয় সচিব ৰেকিবুদ্দিন আহমেদে প্ৰতিক্ৰিয়া প্ৰকাশ কৰি কয় যে, ‘মই ছয়গাঁৱত ৰাইজৰ মাজত থাকি সমষ্টি উন্নয়নত গুৰুত্ব দিছো। কমলা কলিতা য'ত যাই যাওক।’
Published by: Himangshu Bhuyan
First published: September 7, 2020, 9:40 AM IST
আৰু চাওক
পৰৱৰ্তী বাতৰি

শেহতীয়া বাতৰি