‘সৰ্বাদাৰ সৈতে মোৰ ২০ বছৰীয়া সম্পৰ্ক, সেয়াটো শেষ হৈ নাযায়’

News18 Assam | News18-Assam
Updated:February 17, 2020, 7:37 AM IST
‘সৰ্বাদাৰ সৈতে মোৰ ২০ বছৰীয়া সম্পৰ্ক, সেয়াটো শেষ হৈ নাযায়’
ফিল্মফেয়াৰত জুবিন গাৰ্গে মুখ্যমন্ত্ৰী সৰ্বানন্দ সোণাৱালৰ সৈতে আলিংগন কৰা ফটো ভাইৰেল হৈছিল ছচিয়েল মিডিয়াত

ফিল্মফেয়াৰত জুবিন গাৰ্গে মুখ্যমন্ত্ৰী সৰ্বানন্দ সোণাৱালৰ সৈতে আলিংগন কৰা ফটো ভাইৰেল হৈছিল ছচিয়েল মিডিয়াত

  • Share this:
শনিবাৰে গুৱাহাটীত অনুষ্ঠিত হোৱা ফিল্মফেয়াৰত উপস্থিত আছিল জুবিন গাৰ্গ। অনুষ্ঠানত মুখ্যমন্ত্ৰী সৰ্বানন্দ সোণোৱালৰ সৈতে উঠা ফটো ছচিয়েল মিডিয়াত ভাইৰেল হোৱাৰ পিছতে ৰাজ্যজুৰি মিশ্ৰিত প্ৰতিক্ৰিয়াৰ সৃষ্টি হৈছিল। বহুতে জুবিন গাৰ্গে সৌজন্যতাৰ খাতিৰত মুখ্যমন্ত্ৰীৰ সৈতে আলিংগন কৰা বুলি কোৱাৰ লগতে অন্য একাংশই সমালোচনা কৰিছিল জুবিন গাৰ্গক।

এইবাৰ এই বিতৰ্কত মন্তব্য কৰিছে জুবিন গাৰ্গে। জুবিন গাৰ্গে সংবাদ মাধ্যমৰ আগত কয় যে, ‘সৰ্বাদাৰ সৈতে মোৰ চিনাকী আজিৰ নহয়। ২০ বছৰ পুৰণি চিনাকী। সৰ্বাদাৰ ঘৰত মই গৈছো থাকিছো। গতিকে তেওঁক লগ পালে মই মাত এষাৰ দিবই লাগিব।’ কোনোবাই ফটো তুলিছে তাত বিতৰ্ক কৰিবলৈ একো নাই।’

জুবিন গাৰ্গে সৰ্বানন্দ সোণোৱালৰ সৈতে ফটো উঠাৰ পিছত বহুতে প্ৰশ্ন কৰিছিল যে, কি হ’বগৈ নাগৰিকত্ব সংশোধনী আইন বিৰোধী আন্দোলন? এই সম্পৰ্কত জুবিন গাৰ্গে কয় যে, ‘ফিল্মফেয়াৰলৈ গ’লো যদিও নাগৰিকত্ব সংশোধনী আইন বিৰোধিতা কৰি যাম। অব্যাহত থাকিব নাগৰিকত্ব সংশোধনী আইনৰ বিৰুদ্ধে প্ৰতিবাদ। এই যুঁজ সৰ্বানন্দ সোণোৱালৰ বিৰুদ্ধে নহয়। মুঠতে CAA খন বাতিল হ’ব লাগে, সেইটোহে প্ৰধান উদ্দেশ্য।’ মই যি ভাল পাম মুকলিকৈ কম, যি বেয়া পাম মুকলিকৈ সালোচনা কৰিম।’
আৰু চাওক
পৰৱৰ্তী বাতৰি