• Home
  • »
  • News
  • »
  • assam
  • »
  • 'খিলঞ্জীয়া বসতিপ্ৰধান সমষ্টি BJPৰ দখল লৈ আহিব'-কি ইংগিত দিলে মন্ত্ৰী পীয়ুষ হাজৰিকাই

'খিলঞ্জীয়া বসতিপ্ৰধান সমষ্টি BJPৰ দখল লৈ আহিব'-কি ইংগিত দিলে মন্ত্ৰী পীয়ুষ হাজৰিকাই

আৰু কোন কোন বিৰোধী বিধায়কে যোগ দিব BJPত?

আৰু কোন কোন বিৰোধী বিধায়কে যোগ দিব BJPত?

আৰু কোন কোন বিৰোধী বিধায়কে যোগ দিব BJPত?

  • Share this:
৪টা মাহৰ ভিতৰত বিৰোধী শিবিৰৰ পৰা তিনিজন বিধায়কে দল আৰু বিধায়ক পদ এৰি শাসকীয় বিজেপি যোগদান কৰাৰ পিছত এতিয়া চৰ্চা চলিছে আৰু কোন কোন বিধায়কে বিজেপিয়ে যোৱাৰ বাবে প্ৰস্তুতি চলাইছে ৷ এই সন্দৰ্ভত বুধবাৰে মন্ত্ৰী পীয়ুষ হাজৰিকা আৰু মুখ্যমন্ত্ৰীৰ ৰাজনৈতিক সচিব জয়ন্ত মল্ল বৰুৱাই দিলে বহুকেইটা ইংগিত ৷

মৰিয়নিৰ পৰা কংগ্ৰেছী ৰূপজ্যোতি কুৰ্মী আহিল ৷ থাওৰাৰ পৰা আহিল কংগ্ৰেছী সুশান্ত বৰগোহাঁই ৷ ইয়াৰ পিছত বুধবাৰে আহিল ভৱাণীপুৰৰ পৰা AIUDFৰ ফণী তালুকদাৰ৷ বিধায়ক হৈ জয়ী হৈ অহাৰ চাৰি মাহৰ ভিতৰতে এই তিনি বিৰোধী বিধায়কে দল আৰু বিধায়ক পদ এৰি শাসকীয় বিজেপিত যোগ দিলে ৷ এতিয়া প্ৰশ্ন উত্থাপিত হৈছে, আৰু কোন কোন বিৰোধী বিধায়ক আহিব BJPলৈ?

এই প্ৰশ্নৰ উত্তৰ দি মন্ত্ৰী পীয়ুষ হাজৰিকাই ক'লে- “বহু বিৰোধী বিধায়কে যোগদানৰ বাবে কৰিছে যোগাযোগ ৷ কিন্তু সকলোকে যোগদানৰ সুবিধা দিব নোৱাৰি ৷ মিত্ৰজোঁটৰ সংখ্যা ৭৫ৰ পৰা ৭৯লৈ বাঢ়িব ৷”

পিছে কাক দিব BJPত যোগদানৰ সুবিধা? পীয়ুষ হাজৰিকাই সদৰি কৰা মতে, বিজেপিৰ নীতি-নিয়ম মতেহে সুবিধা পাব যোগদানৰ ৷  ফণী তালুকদাৰে AIUDF এৰি বিজেপিত যোগদান কৰাৰ দিনটোত, বুধবাৰে মন্ত্ৰী পীয়ুষ হাজৰিকাই ক'লে- 'খিলঞ্জীয়া বসতিপ্ৰধান সমষ্টিৰ পৰা নিচিহ্ন হ'ব বাকী দলবোৰ ৷ খিলঞ্জীয়াৰ বসতিপ্ৰধান সমষ্টি দখল কৰিব বিজেপিয়ে।'

মন্ত্ৰী পীয়ুষ হাজৰিকাৰ সুৰতে সুৰ মিলাই মুখ্যমন্ত্ৰীৰ ৰাজনৈতিক সচিব জয়ন্ত মল্ল বৰুৱায়েও ক'লে- “খিলঞ্জীয়া মানুহ বেলেগ দলত থাকিব নোৱাৰে ৷ বাংলাদেশী মূলৰ মানুহৰ প্ৰয়োজন নাই BJPক ৷ বহুতেই আহিব বিচাৰিছে; কিন্ত আমি চাই-চিতিহে মানুহ লৈছো। পাৰিলে কংগ্ৰেছৰ সভাপতিও আহিলেহেঁতন ৷ আমি নলওঁ বাবেহে অহা নাই ৷”

ইপিনে হাগ্ৰামা মহিলাৰীৰ BPFৰ সৈতেও কথা চলি থকাৰ কথা সদৰি কৰে মন্ত্ৰী পীয়ুষ হাজৰিকাই ৷ পীয়ুষে ক'লে- “পৰ্যায়ক্ৰমে সকলো হ'ব ৷ আলোচনা আমি কৰি আছো ৷” মুখ্যমন্ত্ৰীৰ ৰাজনৈতিক সচিব জয়ন্ত মল্ল বৰুৱাই সাংবাদিকক সদৰি কৰি ক'লে- “BPFৰে আমাৰ যোগাযোগ আছে ৷ হাগ্ৰামা মহিলাৰীয়ে স্বীকাৰ কৰিছে কংগ্ৰেছৰে মিত্ৰতা কৰি ভুল কৰা বুলি ৷”
Published by:Himangshu Bhuyan
First published: