লকডাউন শিথিলৰ কাৰণে গৈছিল ককাকৰ ঘৰলৈ! উভতাৰ পথত ৪বছৰীয়া ৰনঞ্জয়ে একেলগে হেৰুৱালে মাক–দেউতাকক

News18 Assam | News18-Assam
Updated:May 11, 2020, 8:25 PM IST
লকডাউন শিথিলৰ কাৰণে গৈছিল ককাকৰ ঘৰলৈ! উভতাৰ পথত ৪বছৰীয়া ৰনঞ্জয়ে একেলগে হেৰুৱালে মাক–দেউতাকক
ধুবুৰীত শোকাৱহ দুৰ্ঘটনা।

ধুবুৰীত শোকাৱহ দুৰ্ঘটনা।

  • Share this:
ধুবুৰীৰ পানবাৰীত আজি সংঘটিত এক শোকাবহ পথ দুৰ্ঘটনাত ঘাটমাউৰা হ’ল এটি চাৰি বছৰীয়া শিশু ৷
গোলকগঞ্জৰ বিছনদৈ গাৱৰ ৰঞ্জিত কৰ্মকাৰে নিজ পত্নী পুত্ৰ সহ বিলাসীপাৰাৰ পৰা আহি থাকোতে সংঘটিত হয় এটা ভয়ংকৰ পথ দুৰ্ঘটনা ৷ দিল্লীৰ কাপোৰৰ কোম্পানীত চাকৰি কৰা বিছনদৈৰ ৰঞ্জিত কৰ্মকাৰে নিজৰ খুড়া শহুৰেকৰ স্বাস্থ্যৰ খবৰ লৈ উভতি আহোতে পত্নীৰ সৈতে প্ৰাণ হেৰুৱালে।
দীৰ্ঘদিন ধৰি বিলাসীপাৰা নিৱাসী  ৰঞ্জিতৰ খুড়া শহুৰেক গুৰুতৰ বেমাৰত বেয়াকৈ অসুস্থ হৈ আছিল ৷  লকডাউনৰ পূৰ্বে নিজৰ ঘৰলৈ আহিছিল ৰঞ্জিত কিন্তু লকডাউনৰ কাৰণে খুড়া শহুৰেকক চাবলৈ যাব পৰা নাছিল ৷ কিন্তু শেহতীয়াকৈ লকডাউন কিছু শিথিল কৰাত বিলাসীপাৰাৰ খুড়া শহুৰেৰ ঘৰলৈ গৈছিল সপৰিয়ালে ৷

আজি দিনত বিলাসীপাৰাৰ খুড়া শহুৰেকৰ ঘৰৰ পৰা নিজ ঘৰলৈ আহি আছিল ৰঞ্জিত তেওৰ পত্নী বৰ্ণালী কৰ্মকাৰ আৰু চাৰি বছৰীয়া পুত্ৰ সন্তান ৰনঞ্জয় কৰ্মকাৰ ৷ পিছে পানবাৰীত দুৰ্ঘটনাত পতিত হয় ৰঞ্জিতৰ দুচকীয়া বাহনখন,  গুৰুতৰভাৱে ভাৱে আহত হয় দুই পতি–পত্নী ৷ ওচৰতে থকা সেনা ছাউনীৰ লোকে দুয়োকে ধুবুৰী অসামৰিক চিকিৎসালয়ত ভৰ্তি কৰায় আৰু উন্নত চিকিৎসাৰ বাবে পৰৱৰ্তী সময়ত  গুৱাহাটীলৈ নিয়াৰ পৰামৰ্শ দিয়ে চিকিৎসকে ৷

পৰিয়ালৰ লোকে সমীপৰ চুবুৰীয়া ৰাজ্য পশ্চিম বংগৰ কোচবিহাৰ চিকিৎসালয়লৈ দুয়োকে নিয়ে যদিও ৰঞ্জিত কৰ্মকাৰ আৰু তেওৰ পত্নী বৰ্ণালীয়ে মৃত্যুৰে যুঁজি হাৰ মানে। পিতৃ–মাতৃ দুয়োকে একেলগে হেৰুৱাত ঘাটমাউৰা হৈ পৰে চাৰিবছৰীয়া পুত্ৰ ৰনঞ্জয় কৰ্মকাৰ ৷ এই দুৰ্ঘটনাই শোকাকুল কৰিছে সমগ্ৰ ধুবুৰীবাসীক।
First published: May 11, 2020, 8:25 PM IST
আৰু চাওক
পৰৱৰ্তী বাতৰি

শেহতীয়া বাতৰি