• Home
  • »
  • News
  • »
  • assam
  • »
  • দুধনৈত শূন্য হ’ব নেকি কংগ্ৰেছ! তিনি শতাধিক কংগ্ৰেছ নেতা–কৰ্মীৰ বিজেপিত যোগদান

দুধনৈত শূন্য হ’ব নেকি কংগ্ৰেছ! তিনি শতাধিক কংগ্ৰেছ নেতা–কৰ্মীৰ বিজেপিত যোগদান

ন–বিজেপিক দললৈ উষ্ম আদৰণি বিজেপিৰ ৰাজ্যিক সভাপতি ভৱেশ কলিতাৰ৷

ন–বিজেপিক দললৈ উষ্ম আদৰণি বিজেপিৰ ৰাজ্যিক সভাপতি ভৱেশ কলিতাৰ৷

ন–বিজেপিক দললৈ উষ্ম আদৰণি বিজেপিৰ ৰাজ্যিক সভাপতি ভৱেশ কলিতাৰ৷

  • Share this:
দুধনৈত শূন্য হ’ব নেকি কংগ্ৰেছ! দুধনৈত কংগ্ৰেছ বিধায়ক যাদৱ স্বৰ্গীয়াৰীৰ হাত খালী কৰি খহনীয়া অব্যাহত কংগ্ৰেছত৷ কংগ্ৰেছৰ দখলত থকা গোৱালপাৰাৰ চাৰিওটা সমষ্টিতে খহনীয়াৰ দিশে কংগ্ৰেছ৷ দুধনৈত প্ৰাক্তন মন্ত্ৰীৰ পুত্ৰসহ তিনি শতাধিক কংগ্ৰেছ নেতা-কৰ্মীৰ বিজেপি গমন৷ প্ৰাক্তন মন্ত্ৰী জগত পাটগিৰিৰ পুত্ৰ তথা কংগ্ৰেছৰ গোৱালপাৰা জিলা জনজাতি কোষৰ সভাপতি সুৱৰ্ণ পাটগিৰিৰ লগতে তিনি শতাধিক কৰ্মীয়ে পিন্ধিলে গেৰুৱা বসন৷

ন–বিজেপিক দললৈ উষ্ম আদৰণি বিজেপিৰ ৰাজ্যিক সভাপতি ভৱেশ কলিতাৰ৷ দুধনৈ জনমন্দিৰ প্ৰাংগণত অনুষ্ঠিত হোৱা গোৱালপাৰা জিলা বিজেপিৰ কাৰ্যনিৰ্বাহক আৰু যোগদান অনুষ্ঠানত দুই শতাধিক কংগ্ৰেছীয়ে বিজেপিত যোগদানৰ পিছতে দুধনৈ সমষ্টিত শূন্য হোৱাৰ দিশে আগবাঢ়িছে এতিয়া কংগ্ৰেছ৷

যোগদান সভাত উপস্থিত থাকি বিজেপিৰ ৰাজ্যিক সভাপতি ভৱেশ কলিতাৰ মন্তব্য, ‘‘গোৱালপাৰা জিলাত বিজেপি যথেষ্ট শক্তিশালী৷ প্ৰধানমন্ত্ৰী নৰেন্দ্ৰ মোদীৰ নেতৃত্বত ভাৰতবৰ্ষ যথেষ্ট আগবাঢ়ি গৈছে৷ বিশ্ব সম্প্ৰদায়ৰ লগত আজি ভাৰতবৰ্ষই ফেৰ মাৰিব পৰা হৈছে৷ অসমতো মুখ্যমন্ত্ৰী হিমন্ত বিশ্ব শৰ্মাৰ নেতৃত্বত বিকাশৰ দিশত যথেষ্ট আগবাঢ়ি গৈছে৷ সেইবাবে জনতা জনাৰ্দন আজি ভাৰতীয় জনতা পাৰ্টীৰ সপক্ষে আহিছে৷’’

আনহাতে, সাংবাদিকৰ প্ৰশ্নৰ উত্তৰত ভৱেশ কলিতাই কয়, ‘‘কংগ্ৰেছ পুৰণি দল, কংগ্ৰেছ থাকিব লাগিব, কংগ্ৰেছ থাকক কিন্তু কংগ্ৰেছে শিকিব লাগিব৷ পৰিয়াল কেন্দ্ৰীক ৰাজনীতি, ভ্ৰষ্টাচাৰ এৰিব লাগিব৷’’

বহু মুছলমান কংগ্ৰেছ কৰ্মীয়ে বিজেপিত যোগদান কৰা সম্পৰ্কত ভৱেশ কলিতাৰ গুৰুত্বপূৰ্ণ মন্তব্য। তেওঁ কয়,  গেৰুৱা ত্যাগৰ প্ৰতীক, মা-ভাৰতীৰ প্ৰতীক৷ গেৰুৱা দ’ল সাম্প্ৰদায়িক নহয়৷ মুছলমানসকলে এতিয়া দেখিছে যে, ভাৰতবৰ্ষৰ লগতে ৰাজ্যৰ উন্নয়ন যদি কৰিব পাৰে ভাৰতীয় জনতা পাৰ্টীয়ে কৰিব পাৰে৷ ইমান বছৰে তেওঁলোকক কংগ্ৰেছে ভোট বেংক হিচাপে লৈ আহিছে৷ ভোট বেংকৰ ৰাজনীতিৰ পৰা তেওঁলোক বৰ্তমান বিকাশৰ ৰাজনীতিলৈ ওলাই আহিছে৷ ভাৰতীয় জনতা পাৰ্টীয়ে জাত-পাত, সম্প্ৰদায়ৰ ৰাজনীতি নকৰে৷ ভাৰতীয় জনতা পাৰ্টীয়ে ৰাজনীতি কৰে বিকাশৰ ৰাজনীতি৷’’

পাঁচ মুছলমানৰ জনগোষ্ঠীক খিলঞ্জীয়াৰ স্বীকৃতি দিয়াৰ ক্ষেত্ৰত ভৱেশ কলিতাৰ মন্তব্য, এই জনগোষ্ঠী কেইটালৈ ভাবুকি আহিছে। তেখেতসকলৰ কৰ্ম আনে কাঢ়ি নিছে৷ যাৰ বাবে চৰকাৰখনে এই জনগোষ্ঠী কেইটাক চাব ল’গা হৈছে৷

কলিতাই পুনৰ কয়, বৰ্তমান গোৱালপাৰাৰ চাৰিটা সমষ্টি কংগ্ৰেছৰ হাতত আছে কিন্তু আগন্তুক বিধানসভা নিৰ্বাচনত দুধনৈ আৰু আন এটা সমষ্টি, মুঠতে দুটা সমষ্টি বিজেপিলৈ ঘুৰি আহিব৷ এই গেৰাণ্টী দিলে বিজেপি সভাপতি গৰাকীয়ে৷
Published by:Sanjay Kumar Das
First published: