৭ সহস্ৰাধিক মাটিৰ চাকিৰ মাজেৰে প্ৰাণ পাই উঠিল লাভলীনা, অভয়াপুৰীত ব্যতিক্ৰমী দিপাৱলী...

অভয়াপুৰীত দীপাৱলীৰ সন্ধিয়া উজ্বলি উঠিল লৌহকন্যা লাভলীনা বৰগোহাঁই। পোহৰৰ উৎসৱ দীপাৱলী পালন কৰাৰ সমান্তৰালভাৱে বঙাইগাঁও জিলাৰ অভয়াপুৰীৰ পিৰাধৰাৰ বুঢ়ী আই থানৰ প্ৰাংগণত ব্যতিক্ৰমীভাৱে দীপাৱলী পালন কৰে ৷

৭০০০ গছি মাটিৰ চাকিৰ পোহৰেৰে আলোকিত কৰি তুলিলে অলিম্পিক বটাপ্ৰাপ্ত বক্সাৰ তথা অৰ্জুন বটাপ্ৰাপ্ত লাভনীনা বৰগোঁহাইৰ প্ৰতিচ্ছবি ।  বিগত কেবাবছৰ ধৰি এনে ব্যতিক্ৰমী ৰূপত দীপাৱলী পালন কৰি অহা এই অঞ্চলৰ যুৱক-যুৱতী আৰু ৰাইজে আন্ত ৰাষ্ট্ৰীয় খ্যাতি সম্পন্ন বক্সাৰগৰাকীৰ প্ৰতি সন্মান প্ৰদৰ্শন কৰি এইদৰে চাকিৰে অংকন কৰে ৷ মাটিৰ চাকিৰে লাভলীনাৰ লগতে মাতৃ স্নেহৰ ছবিও অংকন কৰে ৷