সঁচাকৈ মাৰোৱাৰীৰ গুদামৰ পৰা আহিছিল নেকি ধান? অপমানবোধ কৰি CAA সমৰ্থনকাৰীক গ্ৰেপ্তাৰৰ দাবীত থানা ঘেৰাও কৰিলে চাচনীবাসীয়ে

নাগৰিকত্ব সংশোধনী আইনৰ বিৰুদ্ধে প্ৰতিবাদৰ মাজতে সদৌ অসম ছাত্ৰ সন্থাৰ বিৰুদ্ধে এটা ভয়ংকৰ অভিযোগ উত্থাপিত কৰি এজন CAA সমৰ্থনকাৰীয়ে শ্বেয়াৰ কৰিছিল এক ফেচবুক পষ্ট। সদৌ অসম ছাত্ৰ সন্থাৰ বিৰুদ্ধে 'দ্য মাংকী ডট কম'ৰ সাংবাদিক বিশ্বজিৎ নাথে ফেচবুক পোষ্টতো শ্বেয়াৰ কৰাৰ পিছতে ভাইৰেল হৈ পৰে।

বিশ্বজিত নাথ আৰু দেৱজ্যোতি বৰুৱা নামৰ দুগৰাকী ব্যক্তিয়ে ছচিয়েল মিডিয়াত শ্বেয়াৰ কৰা বিতৰ্কিত পোষ্টৰ পিছতে  উত্তাল হৈ পৰে নাহৰকটীয়া। দুয়োগৰাকী ব্যক্তিয়ে চাচনীবাসীক অপমান কৰাৰ অভিযোগ কৰি, আছুক চাউল যোগান ধৰা প্ৰসংগত ব্যক্তিদুগৰাকীয়ে কৰা নিকৃষ্ট কাৰ্যক এনেমুখে ধিক্কাৰ দি নিশাই স্থানীয় লোকে থানা ঘেৰাও কৰি অতি শীঘ্ৰে লোক দুজনক গ্ৰেপ্তাৰ কৰিবলৈ দাবী জনায়।

উল্লেখযোগ্য যে চাচনীত আছুৱে অনুষ্ঠিত কৰা কা বিৰোধী এক সভাত বৃহত্তৰ চাচনী মৌজাৰ ৮৪ খন গাওঁ ৰ ৰাইজে কাৰ বিৰুদ্ধে আইনী যুঁজত সহায় কৰিবলৈ লুৰিণ জ্যোতি গগৈক প্ৰদান কৰিছিল ৩৫০ কুইণ্টলৰো অধিক ধানৰ মূল্য আৰু নগদ ৮০ হাজাৰৰো অধিক ধন।