'মন্ত্ৰী অতুল বৰাৰ পৃষ্ঠপোষকতাত অসমত আৰম্ভ হৈছে গুণ্ডাগিৰি'-ডিব্ৰুগড়ত ছাত্ৰ সন্থাৰ সদস্যক আৰক্ষীয়ে প্ৰহাৰ কৰা ঘটনাকলৈ সৰব লুৰিণজ্যোতি গগৈ
লুৰিণজ্যোতি গগৈয়ে এই ঘটনাত প্ৰত্যক্ষ ভাবে মন্ত্ৰী অতুল বৰা জড়িত আছে বুলি অভিযোগ উত্থাপিত কৰিছে।
লুৰিণজ্যোতি গগৈয়ে এই ঘটনাত প্ৰত্যক্ষ ভাবে মন্ত্ৰী অতুল বৰা জড়িত আছে বুলি অভিযোগ উত্থাপিত কৰিছে।
- News18 Assam
- Last Updated :
ডিব্ৰু মহাবিদ্যালয়ৰ ছাত্ৰ একতা সভাৰ নিৰ্বাচনক কেন্দ্ৰ কৰি সংঘটিত হোৱা মাৰপিটৰ ঘটনাৰ পিছতে আৰক্ষীয়ে সদৌ অসম ছাত্ৰ সন্থাৰ কাৰ্যালয়লৈ প্ৰৱেশ কৰি আছু কৰ্মীক শাৰীৰিক ভাবে প্ৰহাৰ কৰাৰ অভিযোগ উত্থাপিত হৈছে। ঘটনাৰ সন্দৰ্ভত এইবাৰ প্ৰতিক্ৰিয়া প্ৰকাশ কৰিছে অসম জাতীয় পৰিষদৰ সভাপতি লুৰিণজ্যোতি গগৈয়ে। লুৰিণজ্যোতি গগৈয়ে এই ঘটনাত প্ৰত্যক্ষ ভাবে মন্ত্ৰী অতুল বৰা জড়িত আছে বুলি দাবী কৰিছে।
লুৰিণজ্যোতি গগৈয়ে কয় যে,'মহাবিদ্যালয়ত ছাত্ৰ একতা সভা নিৰ্বাচনৰ এই প্ৰক্ৰিয়াটোত চৰকাৰ প্ৰশাসনে অনাকাংক্ষিত ঘটনা নহ'বলৈ যেনেকৈ এক সু-শৃংখলিত ভাবে প্ৰস্তুতি চলাব লাগে, এই ক্ষেত্ৰত চূড়ান্ত ভাবে ব্যৰ্থ হৈছে। আৰু মুখ্যমন্ত্ৰী হিমন্ত বিশ্ব শৰ্মাৰ অধীনত থকা গৃহ বিভাগ যে বিফল, বাৰে বাৰে প্ৰমাণিত হৈ আহিছে।'
লুৰিণজ্যোতি গগৈয়ে লগতে কয় যে,'এই ঘটনা অতি আশ্বৰ্যজনক। একেধৰণৰ ঘটনাই সংঘটিত হৈছে। কিছুদিন পূৰ্বে গোলাঘাটৰ দেৱৰাজ ৰয় মহাবিদ্যালয়ৰ নিৰ্বাচনৰ পিছত চৰকাৰ চলাই থকা বিজেপি আৰু অসম গণ পৰিষদৰ উদ্যোগত তেওঁলোকৰ একাংশ গোণ্ডাবাহিনীয়ে ছাত্ৰ সন্থাৰ কাৰ্যালয়ৰ ভিতৰত প্ৰৱেশ কৰি ছাত্ৰ সন্থাৰ কৰ্মীক প্ৰহাৰ কৰাৰ চেষ্টা চলাইছিল। আৰু এই ঘটনাকলৈ সমগ্ৰ গোলাঘাটত আলোচনা চলিছিল যে, খোদ অতুল বৰাৰ নেতৃত্বত এই গোণ্ডাগিৰি আৰম্ভ হৈছে। আৰু ডিব্ৰুগড়ৰ ঘটনাক লৈয়ো আলোচনা কৰোতে অভিভাৱক মন্ত্ৰী অতুল বৰাই সম্পূৰ্ণ হেঁচা দিছে বুলি বহুতে কব বিচাৰিছে। অর্থাৎ অতুল বৰাৰ পৃষ্ঠপোষকতাত অসমত গুণ্ডাগিৰি আৰম্ভ হৈছে। নিজৰ মাতৃ সংগঠন ছাত্ৰ সন্থাৰ কৰ্ম-কৰ্তাক আক্ৰমণ আৰম্ভ কৰিছে। আৰু অতুল বৰাৰ নেতৃত্বত আৰম্ভ হোৱা এনে কাণ্ডক মৌন সমৰ্থন কৰিছে মুখ্যমন্ত্ৰী হিমন্ত বিশ্ব শৰ্মাই।'
উল্লেখ্য যে, ডিব্ৰু মহাবিদ্যালয়ৰ নিৰ্বাচনকেন্দ্ৰিক এখন কাজিয়াত মাৰপিটৰ ঘটনাই ভয়ংকৰ ৰূপ ধাৰণ কৰাৰ পিছতেই আৰক্ষীয়ে আছু সদস্যসকলৰ ওপৰত আক্ৰমণ কৰে। পৰৱৰ্তী সময়ত পুনৰ আৰক্ষীয়ে শ্বহীদ ভৱনত প্ৰৱেশ কৰি আছু কর্মীসকলক শাৰিৰীকভাৱে প্ৰহাৰ কৰে ৷ আনকি আছু কৰ্মীসকলে ব্যৱহাৰ কৰা বাহনসমূহ জব্দ কৰি থানালৈ নিয়ে ৷
Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese
লুৰিণজ্যোতি গগৈয়ে কয় যে,'মহাবিদ্যালয়ত ছাত্ৰ একতা সভা নিৰ্বাচনৰ এই প্ৰক্ৰিয়াটোত চৰকাৰ প্ৰশাসনে অনাকাংক্ষিত ঘটনা নহ'বলৈ যেনেকৈ এক সু-শৃংখলিত ভাবে প্ৰস্তুতি চলাব লাগে, এই ক্ষেত্ৰত চূড়ান্ত ভাবে ব্যৰ্থ হৈছে। আৰু মুখ্যমন্ত্ৰী হিমন্ত বিশ্ব শৰ্মাৰ অধীনত থকা গৃহ বিভাগ যে বিফল, বাৰে বাৰে প্ৰমাণিত হৈ আহিছে।'
লুৰিণজ্যোতি গগৈয়ে লগতে কয় যে,'এই ঘটনা অতি আশ্বৰ্যজনক। একেধৰণৰ ঘটনাই সংঘটিত হৈছে। কিছুদিন পূৰ্বে গোলাঘাটৰ দেৱৰাজ ৰয় মহাবিদ্যালয়ৰ নিৰ্বাচনৰ পিছত চৰকাৰ চলাই থকা বিজেপি আৰু অসম গণ পৰিষদৰ উদ্যোগত তেওঁলোকৰ একাংশ গোণ্ডাবাহিনীয়ে ছাত্ৰ সন্থাৰ কাৰ্যালয়ৰ ভিতৰত প্ৰৱেশ কৰি ছাত্ৰ সন্থাৰ কৰ্মীক প্ৰহাৰ কৰাৰ চেষ্টা চলাইছিল। আৰু এই ঘটনাকলৈ সমগ্ৰ গোলাঘাটত আলোচনা চলিছিল যে, খোদ অতুল বৰাৰ নেতৃত্বত এই গোণ্ডাগিৰি আৰম্ভ হৈছে। আৰু ডিব্ৰুগড়ৰ ঘটনাক লৈয়ো আলোচনা কৰোতে অভিভাৱক মন্ত্ৰী অতুল বৰাই সম্পূৰ্ণ হেঁচা দিছে বুলি বহুতে কব বিচাৰিছে। অর্থাৎ অতুল বৰাৰ পৃষ্ঠপোষকতাত অসমত গুণ্ডাগিৰি আৰম্ভ হৈছে। নিজৰ মাতৃ সংগঠন ছাত্ৰ সন্থাৰ কৰ্ম-কৰ্তাক আক্ৰমণ আৰম্ভ কৰিছে। আৰু অতুল বৰাৰ নেতৃত্বত আৰম্ভ হোৱা এনে কাণ্ডক মৌন সমৰ্থন কৰিছে মুখ্যমন্ত্ৰী হিমন্ত বিশ্ব শৰ্মাই।'
উল্লেখ্য যে, ডিব্ৰু মহাবিদ্যালয়ৰ নিৰ্বাচনকেন্দ্ৰিক এখন কাজিয়াত মাৰপিটৰ ঘটনাই ভয়ংকৰ ৰূপ ধাৰণ কৰাৰ পিছতেই আৰক্ষীয়ে আছু সদস্যসকলৰ ওপৰত আক্ৰমণ কৰে। পৰৱৰ্তী সময়ত পুনৰ আৰক্ষীয়ে শ্বহীদ ভৱনত প্ৰৱেশ কৰি আছু কর্মীসকলক শাৰিৰীকভাৱে প্ৰহাৰ কৰে ৷ আনকি আছু কৰ্মীসকলে ব্যৱহাৰ কৰা বাহনসমূহ জব্দ কৰি থানালৈ নিয়ে ৷
Read all News in Assamese, Assam News Today, Entertainment News in Assamese, Business News in Assamese, Sports News in Assamese, Health News in Assamese, India News in Assamese
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|
