চতিয়া আৰক্ষীৰ জালত ড্ৰাগছসহ গ্ৰেপ্তাৰ ৰমজান আলি
আজি আৰক্ষীয়ে চতিয়াৰ নাগশংকৰত ড্ৰাগছসহ এজনক কৰায়ত্ত সক্ষম হয়।
মাৰাত্মক ড্ৰাগছৰ বিৰুদ্ধে অব্যাহত আছে অসম আৰক্ষীৰ ৰণচালি। আজি আৰক্ষীয়ে চতিয়াৰ নাগশংকৰত ড্ৰাগছসহ এজনক কৰায়ত্ত সক্ষম হয়। আৰক্ষীৰ হাতত গ্ৰেপ্তাৰ হোৱা লোকজন হৈছে বালিডোঙাৰ ৰমজান আলি। জানিব পৰা মতে, ধৃত ৰমজানে মটৰ চাইকেলত ড্ৰাগছ লৈ আহি থকা অৱস্থাতে চতিয়া আৰক্ষীয়ে দুটা চাবোনৰ বাকচত কঢ়িয়াই অনা ড্ৰাগছৰ সৈতে গ্ৰেপ্তাৰ কৰে ৷ ৰমজানৰ পৰা জব্দকৃত ড্ৰাগছখিনিৰ ওজন ৩০ গ্ৰাম। আৰক্ষীয়ে ড্ৰাগছ কঢ়িয়াই অনা AS12AD9691 নম্বৰৰ মটৰ চাইকেলখনো জব্দ কৰিছে। ধৃত ৰমজানৰ বিৰুদ্ধে চতিয়া আৰক্ষীয়ে NDPS আইনৰ অধীনত এক গোচৰ ৰুজো কৰি তদন্ত অব্যাহত ৰাখিছে।
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|
