কলাইগাঁৱৰ নৰকীয় ঘটনাঃ এতিয়াও পলাতক ভণ্ড তান্ত্ৰিক ৰমেশ চহৰীয়া

এতিয়ালৈকে পলাতক অৱস্থাত আছে কলাইগাঁওত সংঘটিত হোৱা নৰকীয় কাণ্ডৰ মূল মাষ্টাৰ মাইণ্ড ভণ্ড তান্ত্ৰিক ৰমেশ চহৰীয়া। আৰক্ষীয়ে এতিয়াও অব্যাহত ৰাখিছে তান্ত্ৰিকজনৰ সন্ধানত অভিযান। বহুদিন ধৰি পৰিয়ালটোক অন্ধ বিশ্বাসৰ কৰাল গ্ৰাসলৈ ঠেলি দিয়াত আগভাগ লৈ আহিছিল ভণ্ড তান্ত্ৰিক ৰমেশ চহৰীয়াই।

শনিবাৰে ওদালগুৰি জিলাৰ কলাইগাঁও থানাৰ অন্তৰ্গত কুলশীপাৰাত নিজৰ মন্দিৰত আত্মীয়ৰ এটি শিশুক বলি দিয়াৰ উদ্দেশ্যে পূজা অৰ্চনা কৰিছিল পত্নী-পুত্ৰ আৰু আত্মীয়সহ শিক্ষক যাদৱ চন্দ্ৰ চহৰীয়াই। পূজাৰ পূৰ্বে বিজ্ঞান শিক্ষক যাদৱ চহৰীয়াই জ্বলাই দিলে নিজৰ ঘৰ-দুৱাৰ। শণিবাৰে বিজ্ঞান শিক্ষক যাদৱ চহৰীয়াই পত্নী-পুত্ৰ আৰু আত্মীয়সহ উলংগ হৈ প্ৰথমে নিজৰ ঘৰ দুৱাৰ সা–সম্পত্তি জ্বলাই দিয়ে। তাৰ পিছত মন্দিৰত শিশুটিক বলি দিয়াৰ বাবে পূজা–অৰ্চনা কৰে। অন্ধ বিশ্বাসৰ কৰাল গ্ৰাসত পৰি এনে এক ঘৃণনীয় কাণ্ড সংঘটিত কৰিবলৈ উন্মাদ হোৱা পৰিয়ালটোক বহু বছৰ ধৰি গ্ৰাস কৰি আহিছিল  ভণ্ড তান্ত্ৰিকে।

দেওবাৰে পুৱা GMCHত মৃত্যুক আকোৱালি লয় পুলকেশ চহৰীয়াই। এতিয়াও GMCHত চিকিত্‍সাধীন ভণ্ড বাবাৰ প্ৰৰোচনাত উন্মাদ হোৱা পৰিয়ালটো মুৰব্বী যাদৱ চন্দ্ৰ চহৰীয়া।
আৰু চাওক পৰৱৰ্তী বাতৰি