ভাগি দুটুকুৰা হোৱা নঙলামৰাৰ দিচাং নৈৰ দলঙেৰে পুনৰ যাতায়াতৰ ব্যৱস্থা কৰি দিলে লোকনিৰ্মাণ বিভাগে

শিৱসাগৰ জিলাৰ চেপন চূণপোৰা সংযোগী পথত দিচাং নৈৰ  ভগা পকী দলঙৰ ওপৰত লোকনিৰ্মাণ বিভাগে নিৰ্মাণ কৰিলে এখন বাঁহৰ দলং ৷ এতিয়াৰ পৰা অঞ্চলটোৰ জনসাধাৰণে এই বাঁহৰ দলঙেৰে খোজ কাঢ়ি যাতায়াত কৰিব পাৰিব৷

যোৱা ১৬ জানুৱাৰী তাৰিখে দিচাং নদীৰ এই দলংখন মাজতে ভাঙি পৰাত ব্যাহত হৈ পৰিছিল অঞ্চলটোৰ  যাতায়াত। এখন শিলভৰ্তি ডাম্পাৰ দলংখনেদি পাৰ হওঁতেই আকস্মিকভাৱে মাজতে ভাগি পৰিছিল দলংখন ( Bambo bridge at Sivasagar)।

সম্প্ৰতি বৃহত্তৰ বকতা অঞ্চলৰ ৰাইজ শিৱসাগৰ , নাজিৰা , শিমলুগুৰি অঞ্চলৰ জনসাধাৰণৰ সুবিধা হোৱাকৈ লোকনিৰ্মাণ বিভাগে বাঁহৰ দলংখন নিৰ্মাণ কৰিছে৷ লগতে যাত্ৰীসকল অহা-যোৱা কৰিব পৰাকৈ এখন নাওৰো ব্যৱস্থা কৰিছে লোকনিৰ্মাণ বিভাগে৷ পৰৱৰ্তী সময়ত লোকনিৰ্মাণ বিভাগে চাৰিচকীয়া বাহনৰ যাতায়াতৰ বাবে এখন লোহাৰ দলং নিৰ্মাণ কৰিব৷