Arunachal Pradesh : অসমৰ সন্ধানহীন ১৯ শ্ৰমিকৰ ৪জনক অৰুণাচলৰ ডামিন চক্ৰত উদ্ধাৰ, বায়ুসেনাৰ দলেও চলাব অনুসন্ধান
কুৰুং কুমেই জিলাৰ পৰা ৫ জুলাইৰ পৰা সন্ধানহীন হৈ আছিল শ্ৰমিককেইজন।
শেহতীয়া খবৰ অনুসৰি অৰুণাচল প্ৰদেশৰ ডামিন চক্ৰত সন্ধানহীন সীমান্ত পথ সংস্থাৰ ১৯ জন শ্ৰমিকৰ ভিতৰত ৪ জন শ্ৰমিকৰ সন্ধান পোৱা গৈছে। কুৰুং কুমেই (Kurung Kumey) জিলাৰ পৰা ৫ জুলাইৰ পৰা সন্ধানহীন হৈ আছিল শ্ৰমিককেইজন।
এক গোপন সূত্ৰই জনোৱা মতে, শ্ৰমিক কেইজনক যথেষ্ট ভাগৰুৱা অৱস্হাত উদ্ধাৰ কৰা হৈছে। সূত্ৰটোৱে জনোৱা মতে, নিখোজ হোৱাৰ পিছতে শ্ৰমিকৰ দলটো দুটা দলত বিভক্ত হৈ পৰিছিল এটা গ্ৰুপত থকা ৮ জন শ্ৰমিকৰ ভিতৰত আজি ৪ জন শ্ৰমিক BRO শিবিৰত উপস্থিত হয়।
গোটটোৰ আন ৪ জন শ্ৰমিক অঞ্চলটোৰ ডাঠ হাবিৰ মাজত থকা বুলি সন্দেহ কৰা হৈছে, অঞ্চলটো অতিকে দুৰ্গম বাবে তেওঁলোকে ৰাস্তা হেৰুওৱাৰ সন্দেহ প্ৰকাশ কৰা হৈছে। প্ৰাপ্ত খবৰ অনুসৰি গাঁওবাসীয়ে যোগাযোগ কৰি পুনৰ বি আৰ অ’ শিবিৰলৈ অনাৰ চেষ্টা চলাই আছে (19 Workers Missing in Arunachal Pradesh)।
খবৰ অনুসৰি, বি আৰ অ’ শিবিৰত উপস্থিত হোৱা শ্ৰমিকসকলৰ স্বাস্থ্যৰ অৱস্থা বেয়া হোৱাত এতিয়া চিকিৎসকে স্বাস্থ্য পৰীক্ষা কৰি থকাৰ লগতে তেওঁলোকক খাদ্য আৰু পানী দিয়া হৈছে।
উল্লেখ্য, সন্ধানহীন ১৯ জন শ্ৰমিকে BRO ৰোড প্ৰজেক্টৰ কাম কৰি আছিল। ৫ জুলাইত কৰ্মস্থলীৰ পৰা পলায়ন কৰাৰ পিছত ১৩ জুলাইত নিৰুদ্দেশ হোৱা লোকৰ প্ৰতিবেদন দাখিল কৰা হৈছিল। ইফালে কুৰুং কুমেয়ৰ উপায়ুক্ত নিঘী বেংগীয়াই জনোৱা মতে, তেজপুৰ (অসম)ৰ পৰা ভাৰতীয় বায়ুসেনাৰ এটা দলে অনুসন্ধান আৰু উদ্ধাৰ অভিযানত যোগদান কৰিব। তেওঁ লগতে জনায় যে ৰাজ্যিক দুৰ্যোগ সঁহাৰি বাহিনীৰ এটা দল সম্প্ৰতি ডামিনত আছে।
এক গোপন সূত্ৰই জনোৱা মতে, শ্ৰমিক কেইজনক যথেষ্ট ভাগৰুৱা অৱস্হাত উদ্ধাৰ কৰা হৈছে। সূত্ৰটোৱে জনোৱা মতে, নিখোজ হোৱাৰ পিছতে শ্ৰমিকৰ দলটো দুটা দলত বিভক্ত হৈ পৰিছিল এটা গ্ৰুপত থকা ৮ জন শ্ৰমিকৰ ভিতৰত আজি ৪ জন শ্ৰমিক BRO শিবিৰত উপস্থিত হয়।
গোটটোৰ আন ৪ জন শ্ৰমিক অঞ্চলটোৰ ডাঠ হাবিৰ মাজত থকা বুলি সন্দেহ কৰা হৈছে, অঞ্চলটো অতিকে দুৰ্গম বাবে তেওঁলোকে ৰাস্তা হেৰুওৱাৰ সন্দেহ প্ৰকাশ কৰা হৈছে। প্ৰাপ্ত খবৰ অনুসৰি গাঁওবাসীয়ে যোগাযোগ কৰি পুনৰ বি আৰ অ’ শিবিৰলৈ অনাৰ চেষ্টা চলাই আছে (19 Workers Missing in Arunachal Pradesh)।
খবৰ অনুসৰি, বি আৰ অ’ শিবিৰত উপস্থিত হোৱা শ্ৰমিকসকলৰ স্বাস্থ্যৰ অৱস্থা বেয়া হোৱাত এতিয়া চিকিৎসকে স্বাস্থ্য পৰীক্ষা কৰি থকাৰ লগতে তেওঁলোকক খাদ্য আৰু পানী দিয়া হৈছে।
উল্লেখ্য, সন্ধানহীন ১৯ জন শ্ৰমিকে BRO ৰোড প্ৰজেক্টৰ কাম কৰি আছিল। ৫ জুলাইত কৰ্মস্থলীৰ পৰা পলায়ন কৰাৰ পিছত ১৩ জুলাইত নিৰুদ্দেশ হোৱা লোকৰ প্ৰতিবেদন দাখিল কৰা হৈছিল। ইফালে কুৰুং কুমেয়ৰ উপায়ুক্ত নিঘী বেংগীয়াই জনোৱা মতে, তেজপুৰ (অসম)ৰ পৰা ভাৰতীয় বায়ুসেনাৰ এটা দলে অনুসন্ধান আৰু উদ্ধাৰ অভিযানত যোগদান কৰিব। তেওঁ লগতে জনায় যে ৰাজ্যিক দুৰ্যোগ সঁহাৰি বাহিনীৰ এটা দল সম্প্ৰতি ডামিনত আছে।
অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|
