দীৰ্ঘদিন ধৰি অসুস্থ হৈ থকা হৰি বিনোদ বাৰ্মালৈ মুখ্যমন্ত্ৰীৰ সাহায্য পুঁজিৰ পৰা এক লাখ টকাৰ সাহায্য

দীৰ্ঘদিন ধৰি অসুস্থ হৈ থকা ডিব্ৰুগড়ৰ বিশিষ্ট ফটোগ্ৰাফাৰ, সাংবাদিক তথা অভিনেতা হৰি বিনোদ বাৰ্মা ওৰফে 'W’ৰ সুচিকিৎসাৰ বাবে মুখ্যমন্ত্ৰী সৰ্বানন্দ সোণোৱালে শনিবাৰে মুখ্যমন্ত্ৰীৰ সাহায্য পুঁজিৰ পৰা এক লাখ টকাৰ আৰ্থিক সাহায্য ঘোষণা কৰে৷
মুখ্যমন্ত্ৰীগৰাকীৰ ঘোষণাৰ পিছতে ডিব্ৰুগড় জিলাৰ উপায়ুক্ত পল্লৱ গোপাল ঝাৰ নিৰ্দেশমৰ্মে অতিৰিক্ত উপায়ুক্ত সুশান্ত কুমাৰ দত্তই আজি বিশিষ্ট ফটোগ্ৰাফাৰগৰাকীৰ ঘৰত উপস্থিত হৈ তেখেতক এই সাহায্যৰ ধনৰাশি চেকযোগে প্ৰদান কৰে৷ উল্লেখ্য যে কিছুদিনৰ আগতে News18 অসমকে ধৰি বহুকেইটা সংবাদ মাধ্যমত প্ৰকাশ পাইছিল এইগৰাকী প্ৰবীণ ফটোগ্ৰাফাৰৰ জীৱন সংগ্ৰামৰ কাহিনী। গভীৰ অৰ্থিক সংকটত ভোগা ৰোগাক্ৰান্ত, শয্যাশায়ী 'W’ৰ জীৱনলৈ এই ধনৰাশিয়ে কিছু পৰিমাণে সকাহ দিব।